Andi, Philmar hindi muna itutuloy ang kasal dahil sa pagpanaw ni Jaclyn
Andi Eigenmann at Philmar Alipayo
NAGDESISYON ang engaged couple na sina Andi Eigenmann at Philmar Alipayo na huwag munang ituloy ang pagpapakasal dahil sa pagpanaw ni Jaclyn Jose.
Ayon kay Andi, plano talaga nila ng kanyang partner na champion surfer ay ngayong 2024 isagawa ang kanilang wedding pero kinailangan muna nilang ipagpaliban ito.
Nais daw nilang ipagluksa muna ang pagkamatay ng kanyang pinakamamahal na ina bago muling magplano tungkol sa kanilang dream wedding.
Baka Bet Mo: John Arcilla ayaw na munang gumanap na kontrabida, dedma na sa bashers: Hindi na po ako naba-bother sa inyo
“Honestly, we wanted to get married this year. But under the circumstances, we decided to wait a bit. It was suppose to be for mom,” ang pahayag ni Andi sa panayam sa kanya ng members of the showbiz press sa Parangal ng Sining ng Film Development Council of the Philippines last Friday.
Hanggang ngayon ay hindi pa rin siya nakaka-recover pati na ang kanyang pamilya sa biglaang pagpanaw ni Jaclyn dahil sa cardiac arrest.
“Slowly, I hope I will get there. But I know she is proud, she loves me, and her grandchildren so I will focus on the good things, and my family,” ani Andi.
View this post on Instagram
Tungkol naman sa kanyang mga anak, unti-unti na raw naiintindihan ng mga bagets ang pagkawala ng kanilang lola.
Baka Bet Mo: Andi, Philmar enjoy na enjoy sa kanilang date sa Manila, first time na hindi kasama ang mga anak
“It is touching. My two younger children, without having to explain, they understand the situation.
“We always go to Manila, so they always look for ‘Nanay.’ They really wondered. But now, I think they understand now. Which is weird, since they are so young,” pahayag pa ng hindi na aktibong aktres.
Bumilib din si Andi sa tapang ng panganay niyang si Ellie nang mamaalam si Jaclyn, “I am proud of Ellie, who is 12, she has a deeper understanding.
“I know she is grieving and is sad, but she is very strong, It is nice to see and hear the things she says to remember my mom,” aniya pa.
Sumakabilang-buhay si Jaclyn noong March 2 sa edad na 60.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.