Francine Diaz rumampa sa 1st Asia Star Entertainer Awards sa Japan
PHOTO: Instagram/@francinesdiaz
LEVEL UP ang Kapamilya actress na si Francine Diaz!
Isa kasi siya sa mga napili upang mag-present ng parangal sa kauna-unahang Asia Star Entertainer Awards (ASEA) na ginanap sa K-Arena Yokohama sa Yokohama, Japan noong April 10.
Star-studded at punong-puno ng Korean stars ang awards ceremony na dinaluhan ng Tomorrow X Together (or TXT), Treasure, Billlie, Day6, Kwon Yuri of Girls’ Generation, Ok Taecyeon of 2PM, Stray Kids, The Boyz, at marami pang iba.
Spotted si Francine na rumampa sa red carpet ng event at talaga namang head-turner ang kanyang datingan na suot ang isang red tube gown na gawa ng fashion designer na si Anthony Ramirez.
FRANCINE DIAZ AT THE RED CARPET FOR ASEA 2024 pic.twitter.com/K8BmXxv3Mt
— krei (@carrelcites) April 10, 2024
Kumalat din ang isa pang video na kung saan ay tila nagpalit ng look ang aktres at siya ay naka-white long gown na.
Habang naglalakad sa stage, siya ay inilarawan bilang isang aktres na “most influential” sa Pilipinas.
Nagpakilala rin siya sa audience bilang isang aktres, model, vlogger at singer bago ang kanyang maikling speech.
“Good evening, everyone. I am Francine Diaz. I am an actress from the Philippines. For starters, it’s an honor to be invited to [this awards ceremony] where music becomes one. Actually, I am an actress, model, vlogger, and a singer,” sey niya sa entablado.
Inihayag din niya ang pagmamahal sa musika habang inaalala ang recent collaboration kasama ang South Korean actor-singer na si Seo In-guk.
“I’m falling in love with music too. I recently sang a duet song called ‘My Love’ with Korean top star Seo In-guk. It’s a really special experience,” sambit niya.
Ani pa niya, “While watching these amazing performances, I can’t help but dream of collaborating with them in the future.”
“The actor who is the most influential in the Philippines, Francine Diaz!” pic.twitter.com/FANVWbepwB
— krei (@carrelcites) April 10, 2024
Pagkatapos ng kanyang speech, iginawad na nga niya ang “Global K-Pop Leader” award sa K-Pop boy band na TXT.
— @txtarchivee (backup) (@txtarchivee6) April 10, 2024
Nag-post din sa Instagram si Francine na ibinabandera ang ilang behind-the-scenes photos sa event kung saan ay nakapagpa-picture siya kay kwon at K-pop boy group na Fantasy Boys.
View this post on Instagram
Kung matatandaan, noong April 8 nang inanunsyo na magiging guest ang Pinay actress sa star-studded event.
Ang unang edisyon ng awards ceremony ay inorganisa ng South Korean media outlets na Newsen at Star1.
Noong Marso naman nang magkaroon siya ng collab with Seo at inilabas ang pop single na “My Love.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.