Seth Fedelin type magdrama: Gusto ko ring subukan maging bad boy
Seth Fedelin at Francine Diaz
MARAMI pang plano ang Kapamilya young actor na si Seth Fedelin para sa kanyang showbiz career, at kabilang na riyan ang pagiging singer and stage performer.
Mas inspired ngayon at mas excited ang binata sa pagpapatuloy ng kanyang career ngayong 2025 matapos matanggap ang kanyang Breakthrough Performance award sa 50th Metro Manila Film Festival para sa entry nila ni Francine Diaz na “My Future You.”
Sa panayam ng BANDERA at ilang piling miyembro ng showbiz press kay Seth Star Magic Spotlight mediacon kamakailan, until now ay parang nasa cloud 9 pa rin siya after ng naging experience niya sa MMFF 2024.
Sey ni Seth patungkol sa kanyang speech, “Hindi ko nga alam kung tama ba ‘yung sinabi ko sa stage as in sobrang impromptu ng speech kong ‘yun.
“Pero at the end of the day, pag-uwi ko sa bahay bago ako matulog, sobrang gaan sa pakiramdam, sobrang worth it,” aniya.
Baka Bet Mo: Seth Fedelin inamin kung bakit wala pang girlfriend, inaantay nga ba si Francine?
In fairness, talagang pinuri ng manonood ang akting ni Seth sa “My Future You” under Regal Films kaya naman wish ng aktor na sana’y marami pa siyang magawang proyekto na mas matsa-challenge ang talento niya bilang artista.
View this post on Instagram
“Gusto ko ng drama pero gusto ko din masubukan ang bad boy. Gusto ko masubukan ang action pero paunti-unti, gusto ko pag-aralan ang action. Bida na action.
“Kadalasan kasi nagagawa ko mabait, anak ng ganyan. Gusto ko maranasan ‘yung challenge na paano ako maginoo pero ano kaya itsura ko kapag dinagdagan ng angas yung isang character,” pahayag ni Seth.
Samantala, confirmed nang makakasama ang tambalan nina Seth at Francine sa upcoming teleserye ng ABS-CBN na “Nobody” starring Gerald Anderson and Jessy Mendiola.
Nangako naman si Seth na patuloy nilang susuportahan ni Francine ang isa’t isa kahit sa kanilang mga solo projects in the future.
“Unang-una, nag-focus ako sa music, so yes, alam ko susuportahan niya ako, susuportahan ako ni Francine, at alam kong susuportahan ko din siya. Tagumpay ko, alam ko matutuwa siya,” sey ni Seth.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.