Xian Gaza dinenay ang hold departure order ng ex-glam team ni Heart
PINABULAANAN ng social media personality na si Xian Gaza na may kinalaman ang actress-socialite na si Heart Evangelista sa hold departure order ng dati nitong glam team.
Sa kanyang Facebook post nitong Huwebes, January 25, sinabi nitong walang kaugnayan ang aktres sa nangyari sa ex-glam team nito nang lumipad ito pa-Dubai.
“Hindi totoo na may hold departure order yung dating glam team ni Heart Evangelista. Yung Dubai visa nila ang may problema kaya sa check-in counter pa lang ng PAL ay hindi na sila inissuehan ng boarding pass,” pagbabahagi ni Xian.
Aniya, kung walang boarding pass ang isang tao ay hindi ito makakapasok sa immigration.
“Kapag wala kang boarding pass, hindi ka makakapila sa immigration counter. Kapag wala ka sa immigration counter, hindi mo malalaman kung may HDO ka ba o wala. Hindi ka rin mao-offload,” pagpapatuloy ni Xian.
Kaya naman agad niyang dinenay na may kaugnayan si Heart sa nangyari kila Justin.
Baka Bet Mo: Xian Gaza sa viral ‘500k TF’ post ng writer-direktor: ‘Ikaw nalang pumarada!’
View this post on Instagram
“Hindi totoo na pinatrabaho sila ni Heart through her husband’s connections. Huwag sana tayong magpakalat ng fake news,” giit ni Xian.
Ibinandera rin niya ang kanyang clean record sa Bureau of Immigration (BI) kaya naman pwede siyang maglabas-masok sa bansa.
“Kapag sinilip niyo sa database ng Bureau of Immigration yung pangalang ‘Christian Albert Soriano Gaza’, mare-realize niyo na malinis pala ang records ko at pwedeng maglabas-masok ng Pilipinas.
“Wala pala ako sa watchlist at wala ring hold departure order. Wala ring offload maski isa. Very clean record. Ako lang pala yung ayaw umuwi ng bansa kasi hindi ko kayang i-take risk yung napakasarap kong buhay sa abroad.”
Matatandaang ibinalita ni Ogie Diaz ang nasagap niyang chika sa naganap sa dating glam team ni Heart na dapat ay lilipat patungong Dubai para kitain sina Pia Wurtzbach at Mark Bumgarner.
Aniya, “ang tsika sa amin—na sana hindi ay…hindi ito totoo—ipinatawag sila sa immigration para ito ang magsabi na sila ay mayroong hold departure order.
“Na-shock na lamang daw ang buong glam team sa kanilang narinig. Kaya ‘yong aming source, na isang airport personnel, ay nagtanong sa akin kung may koneksyon daw kaya ang hold departure ng glam team kay Heart Evangelista?”
Samantala, wala pang inilalabas na pahayag ang kampo ni Heart hinggil isyu.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.