‘Pushcart Tales’ ni Sigrid Bernardo babandera sa CinePanalo Film Festival

NAGANAP nitong Martes ang first shooting day ng pelikulang “Pushcart Tales” directed by Direk Sigrid Andrea P. Bernardo na isa sa napiling finalist sa Puregold CinePanalo Film Festival na magaganap mula Marso 15 hanggang 17.

Mapapanuod ito sa Gateway cinemas at posibleng mapanood din sa major cities nationwide. Samantala, ang short films naman ay mapapanood din sa Puregold official social media channels on YouTube and TikTok.

Ang grant na natanggap ng “Pushcart Tales” ay P2.5M at aminado ang Film Festival Director na si Chris Cahilig na maliit ito kaya tumutulong din sila na makahanap ng additional sponsors sa bawa’t pelikula.

Sa ginanap na “Lights, Camera, Panalo: Puregold CinePanalo Film Festival” ipinakilala ang mga finalist directors sa pangunguna ni Ms Ivy Hayagan-Piedad, Senior Manager for Marketing ng Puregold Price Club, Inc. Nagpapasalamat rin siya sa lahat ng sumali sa advocacy project nila dahil hindi nila inakalang maraming interesado at medyo nahirapan sila sa pagpili sa mga ito.

Ang selection committee ay binubuo ng veteran film and television director Jeffrey Jethurian; film critic Tito Valiente; award-winning filmmaker Victor Villanueva; Puregold senior marketing manager Ivy Hayagan-Piedad; Lyle Gonzales of Republic Creative; at CinePanalo festival director Chris Cahilig.

Baka Bet Mo: CinePanalo Film Festival hangad na magbigay oportunidad sa mga filmakers

Samantala, nakuwento naman ni direk Sigrid ang gist ng “Pushcart Tales” na tungkol ito sa delubyo.

“Tungkol sa delubyo tapos may na-trap na tatlong staff ng grocery na sa loob ay may tatlong customers. It’s about ‘bagyo’ in life and how will you able to surpass this storm in your life, ‘yun lang, di ba panalo?” masayang kuwento ng direktora.

Ang cast ng “Pushcart Tales” ay sina Nonie Buencamino, Shamaine Buencamino, Teri Marvar, Elora Espano, Harvey Bautista, at Direk Carlitos Siguion Reyna.

“I’m so excited with my cast because most of it are all monologues and they’re playing dual roles and excited to work with them and most especially kay Teri Malvar na una kong artista sa Huling Chacha ni Anita and Shamaine as my Lorna (bida sa Lorna).

Base sap ag-uusap namin ni direk Sigrid ay nabanggit namin na may kamahalan ang talent fees ng mga artista niya dahil lahat ay kilala kaya paano niya mapagkakasya ang P2.5M grant.

“Naku mahirap pero may mga ongoing na kinakausap na sponsors and all. So, sana maging okay ang lahat. Tulungan kami ng line producer ko and nagpapatulong rin kami kay direk Chris ng Puregold,” katwiran sa amin ng direktora.

Mahilig pala talagang sumali si direk Sigrid sa mga pakontes at lagi naman siyang nanalo kung saan siya nagsimula bilang indie director hanggang sa nakatawid na sa mainstream dahil sa box office movie niyang Kita Kita noong 2017 na pinagbidahan nina Empoy Marquez at Alessandra de Rosi produced ng Spring Films.

Baka Bet Mo: CinePanalo Film Festival babandera na sa 2024, bukas sa lahat ng direktor, talentadong estudyante

Anyway, ang iba pang napiling full-length film finalists ay mula sa baguhang direktor na si Kurt Soberano at ang entry niya ay Under the Piaya Moon, si Eugene Torres para sa One Day League: Dead Mother, Dead All, Boys at the Back mula kay direk Raynier Brizuela, Road to Happy entry ni direk Joel Ferrer at si direk Carlo Obispo sa pelikulang A Lab Story.

Lahat ng finalists ay may complimentary color grading mula sa Optima Digital for their respective films, as well as essential groceries galing sa Puregold habang binubuo nila ang pelikula.

Ipinakilala rin ang 25 promising new student directors na napili rin para sa CinePanalo Film Festival mula sa iba’t ibang colleges/universities nationwide at ito’y sina:

Jenievive B. Adame – “Smokey Journey” (STI College Cubao)
Ma. Rafaela Mae Abucejo – “Saan Ako Pinaglihi?” (Polytechnic University of the Philippines)
Alexa Moneii Agaloos – “Ka Benjie” (Polytechnic University of the Philippines)
Kent Michael Cadungog – “Text FIND DAD and Send to 2366” (University of the Philippines)
John Pistol L. Carmen – “Repeater si Peter” (Bicol University)
Chrisha Eseo Cataag – “Hallway Scholar” (Pamantasan ng Lungsod ng San Pablo)
Patricia W. Dalluay – “Lola, Lola, Paano ba ‘Yan?” (Polytechnic University of the Philippines)
Joanah Pearl Demonteverde – “Kang Pagpuli Ko” (University of the Philippines – Visayas)
Joshua Andrey A. Doce – “I Am Mutya And I Thank You!” (Bicol State College of Applied Science and Technology)
Neil M. Espino – “Sa Hindi Paghahangad” (De La Salle Lipa)

Terrence Gale Fernandez – “Kaibigan ko si Batman” (Polytechnic University of the Philippines)
Daniel Gil – “Distansya” (Ateneo de Davao University)
Alexandra Lapid – “Queng Apag” (Mapúa University)
Reutsche Colle Rigurosa Lima – “Tiil ni Lola” (University of San Carlos)
Dizelle C. Masilungan – “Kung Nag-aatubili” (University of Santo Tomas)
Jose Mikyl Medina – “Lutong Bahay” (De La Salle University)
Ronjay-C Mendiola – “Last Shift” (Polytechnic University of the Philippines)
Mark Terence Molave – “Paano po gumawa ng collage college?” (Polytechnic University of the Philippines)
Jhunel Ruth A. Monterde – “Si Mary May Crush Kay Tess” (De La Salle College of Saint Benilde)
Doxford D. Perlas – “Naduea Eoman Si Brownie (Brownie’s Lost Again!)” (University of the Philippines – Visayas)

Andrea S. Ponce – “Layag sa Pangarap” (Polytechnic University of the Philippines – Sta. Mesa)
Edz Haniel Teñido Purificacion – “Dzai Dzai Dzai Delilah” (Mapúa Malayan Colleges Laguna)
John Wilbert Llever Sucaldito – “Tambal nga Sabaw” (Far Eastern University)
Tyrone Lean J. Taotao – “Abandoned Lullabies” (Polytechnic University of the Philippines – Sta. Mesa)
Marian Jayce R. Tiongzon – “May Kulay Rosas Ba Sa Bahaghari?” (University of the Philippines – Visayas)