KC, Kiko ‘nagpakilig’ sa ibinanderang birthday message para kay Sharon
KC Concepcion, Sharon Cuneta, Kiko Pangilinan
MUKHANG naging extra special ang pagdiriwang ng kaarawan ni Megastar Sharon Cuneta.
Paano ba naman kasi, ibinandera sa social media ng dalawang mahal niya sa buhay ang kanilang pagmamahal sa kanya.
Sila’y walang iba kundi ang kanyang anak na si KC Concepcion, at ang mister na dating senador na si Kiko Pangilinan.
Unahin na muna natin ang short but sweet birthday message ni KC na kung saan ibinahagi niya sa isang Instagram post ang throwback picture nilang dalawa.
Caption niya, “Mama, may this year bring you all the happiness and more blessings you truly desire~ and deserve [diamond emojis].”
“Happy birthday to my first ‘idol’ [star emoji] Love you!” mensahe pa niya sa ina.
Baka Bet Mo: Sharon pinaglalaruan lang daw feelings ng Pinoy: ‘Anyare sa ‘yo, Mega!?’
View this post on Instagram
Hindi naman nagpahuli si Senador Kiko na talaga namang halos ipinagsigawan sa social media kung gaano niya kamahal si Sharon.
“Happy birthday to my sweetheart, my wife, my best friend and the mother of my children, Sharon [red heart, folded hands emojis],” wika niya sa IG kalakip ang ilang pictures ng naging simple birthday celebration nilang pamilya kasama ang mga anak na sina Frankie, Miel at Miguel.
Sey niya sa caption, “I will always be here for you, to cheer you on, to raise you up, to be by your side and to support you always. I love you dearly, fiercely, unceasingly [red heart emojis].”
“I pray for your happiness, good health and success this 2024 and beyond [red heart emojis].” lahad niya.
Ani pa ng dating senador, “In the end, love conquers all! [red heart, folded hands emojis].”
View this post on Instagram
Magugunitang naging usap-usapan sina Sharon at Kiko matapos kumalat ang mga haka-hakang mayroon silang pinagdaraanang mag-asawa.
Sunud-sunod kasi ang mga cryptic post ng batikang singer sa kanyang social media page kamakailan lang na may kaugnayan sa cheating at pagtatraydor.
Pero ang mga chismis patungkol sa kanila ay nilinaw na ni Sharon sa pamamagitan ng isang video na ipinost noong pagdiriwang ng Bagong Taon.
Nabanggit ni Mega na totoong naghiwalay sila ng asawang si Kiko matapos mag-away, pero nag-usap at nagkabati na sila kaya okay na uli ang kanilang relasyon.
“Nag-away kami, naghiwalay kami tapos nagbati na kami, so okay na kami, okay?” pag-amin ng singer.
Pahayag pa niya, “That’s the meaning of all the messages I posted but I’ll clarify, the quotes, all the other posts were for people close to me that I think needed those posts. So, you always assume…”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.