Kim Chiu, Xian Lim kumpirmadong hiwalay na: ‘I hope this clears everything…’
Kim Chiu, Xian Lim
Totoo ngang hiwalay na ang celebrity couple na sina Kim Chiu at Xian Lim!
Ang kumpirmasyon ng malungkot na balita ay ibinandera na mismo ni Kim sa kanyang Instagram post.
Ibinahagi ng aktres ang ilang sweet throwback pictures nilang dalawa kalakip ang isang mahabang mensahe.
“End of a love story. It took me a while to say this until today,” panimula niya sa caption.
Patuloy niya, “We owe our supporters the truth, but we also respect each other’s time of healing. In a relationship, love is always a significant factor, but sometimes love is not enough.”
Baka Bet Mo: Vice Ganda mahigpit ang yakap kay Kim Chiu: You deserve love
Ayon pa sa kay Kim, pareho silang nagdesisyon na tapusin na ang mahigit isang dekada nilang relasyon at manatiling maging magkaibigan na lamang.
“We shared more than a decade of love, each other’s support system, and many beautiful memories. It was our mutual decision to transition our relationship into what we hope to be a lifelong friendship,” wika niya sa IG.
Kasunod niyan ay lubos niyang pinasalamatan ang pagmamahal at suporta na ibinibigay ng kanilang mga tagahanga.
At kasabay niyan ay humiling siya ng privacy at irespeto ang desisyon nila na magsimula ng panibagong chapter na hindi kapiling ang isa’t-isa.
“We thank all our followers for their love and support, but now we ask you to appreciate our honesty and give us the privacy we need as we begin new chapters of our lives. To all our supporters, maraming salamat for all the love and understanding,” lahad sa post.
Mensahe naman niya sa singer-actor, “Lastly, to Xi, Thank you for the almost 12 years of beautiful memories together one can never imagine. You will always have a place in my heart. Thank you for showing me what love is.”
“As we close this chapter of our lives, I ask for everyone’s kindness and respect. I hope this clears everything as we all move forward with our lives [white heart emoji],” aniya pa.
View this post on Instagram
Magugunita kamakailan lang nang mag-trending si Kim sa gitna ng kotrobersiyang hiwalayan nila ng longtime partner.
Ito ay matapos usisain ng Diamond Star na si Maricel Soriano angkanyang current lovelife.
Diretsahan siyang tinanong ng Diamond Star tungkol sa estado ng kanyang lovelife.
“Ang dami-daming nagbubulungan, kamusta raw ang lovelife mo?” usisa ni Maricel sa aktres.
Halata sa naging reaksyon ni Kim na siya ay nabigla at hindi na muna nakasagot.
Biglang napahalakhak si Kim at sabay sabing, “Ang lovelife ko ay naka-hang ngayon.”
Matatandaang kasabay ng confirmed breakup ng dating mag-dyowa na sina Kathryn Bernardo at Daniel Padilla ay usap-usapan din ang “breakup rumors” nina Kim at Xian.
Kamakailan lang nang mag-trending ang biglang pagbura ni Xian ng mga videos nilang dalawa ni Kim sa kanyang YouTube channel.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.