Ogie walang isyu ang TF sa mga charity show, payag kahit libre?

Joey G, Ice Seguerra, Nina at Ogie Alcasid

NANG malaman ni Ogie Alcasid na for charity ang “YuleStars Christmas Concert Series”, agad niya itong tinanggap nang walang pag-aalinlangan.

Isa si Ogie sa mga bibida sa naturang Christmas concert with Nina, Joey Generoso, Angeline Quinto, Jose Mari Chan, Christian Bautista, and Roselle Nava.

Ang proceeds ng concert ay ido-donate sa mga ngangailangang members ng Philippine Military Academy Alumni Association Inc., kabilang na ang mga “fallen and injured personnel” ng military.

Ayon sa OPM icon at Ultimate Singer-Songwriter, “It’s a great project and we are all honored to be part of it. So I hope you can support the concert and we promise that we’ll give you a great and wonderful Christmas show.

 

View this post on Instagram

 

A post shared by Ogie Alcasid (@ogiealcasid)

“Kasi ito’y para sa mga alumni ng PMA, sa kanilang mga beneficiaries. Nagpapasalamat kaming lahat na kami ang napili nila na kumanta at magtanghal para makalikom ng ilang funds para sa kanilang fundraising. Natutuwa kami,” aniya pa sa presscon ng “YuleStars Christmas Concert Series”.

Baka Bet Mo: Gerald nakipagtulungan sa Coast Guard at Star Magic para sa pamimigay ng laruan sa Aeta community

Sa tanong namin kung ano ang magiging espesyal sa concert na ito, “The audience can expect us to sing our love songs and beautiful Christmas songs. Actually, ang daming na nag-co-concert ngayon.

“It’s as if nagre-revenge yung mga tao sa mga panahon na hindi sila nakanood. Tama ba? Lahat ng shows, puno. At kanya-kanyang niche, kanya-kanyang market. Nakakatuwa. It’s great na yung energy sa concert scene,” pahayag ni Ogie.

Dagdag pa niya, “So ang maganda, magpi-present ka naman ng kakaibang show. Hindi na yung dating ginagawa.

“I think people want value for money obviously and that’s why when they put together this concert series, we made sure in preliminary meetings na yung gagawin namin yung hindi pa namin nagawa, and at the same time yung combinations bago.

“Like I think this is the first time I will be working with Nina. Tapos guest namin si Ice (Seguerra),” aniya.

Namimili ba siya ng mga performers na makakasama sa isang show at ano ang take niya sa mga fundraising events? Lahat ba ng offer sa kanya na libre ang talent fee ay tinatanggap niya basta may benefiaries?

“Pinag-uusapan na rin lang natin yung charity, charity begins at home. And that stage is our home. So what kind of gift it is to give what we’ve been given too? I just want to speak on behalf of the singer and the performer.

 

View this post on Instagram

 

A post shared by Nina Girado (@soulsiren_nina)

“Siguro napapansin niyo kapag merong mga fundraisers, especially during the time of the pandemic, I think the singer was the very first one to be called, the very first one to answer to the call.

Baka Bet Mo: Beatrice Gomez naghahanda na para sa pagpasok sa showbiz; tutuparin din ang pangarap na Master’s degree

“I don’t know what it is in our DNA or in our fiber, but we never, ever say no. The willingness to help, I guess because we appreciate it. It’s a gift to be able to sing and to write a song and to make people happy even from one song.

“So these things like kung sino kasama mo diyan, parang sa bokabularyo naming mga singers, wala kaming ganu’n. Hindi kami ganu’n eh. We love what we do and every opportunity we are given, to perform on stage is always a blessing. It’s our happy place,” paliwanag pa ni Ogie.

Sa pangunguna ng Philippine Military Academy Alumni Association (PMAAAI), narito ang line-up at schedule ng bawat show sa “YuleStars” concert series: Joey G and Angeline Quinto with special guest Ice Seguerra for the November 30 concert; Jose Mari Chan, Christian Bautista, and Roselle Nava with the Kilyawan Consortium of Voices for the December 1 show; and Ogie Alcasid and Nina and special guest Ice Seguerra on December 2.

Tickets are now available via Ticketworld.com; just log on to https://bit.ly/YULESTR223.