Barbie nilabas ang kantang ‘Wicked Heart’, inalala ang naging padalos-dalos na desisyon
PHOTO: Courtesy Sony Music
MAY bagong mapapakinggan sa award-winning singer-songwriter na si Barbie Almalbis.
Ang bago niyang kanta ay pinamagatang “Wicked Heart” na under ng 12 Stone Records at Sony Music Entertainment.
Sa pamamagitan ng single, inalala ni Barbie ang dati niyang naging karanasan kung saan gumawa siya ng maling desisyon dahil sa kanyang emosyon at ito ay pinagsisihan niya sa huli.
“I was thinking about how following your heart can lead to trouble sometimes,” saad ng Filipino alt-rock icon sa isang pahayag.
Paliwanag niya, “I want to follow my heart, but it’s always changing its mind. It’s definitely something I’ve personally been through, but it also takes inspiration from the verse in Jeremiah 17:9: The heart is deceitful above all things and desperately wicked: who can know it?”
Baka Bet Mo: Belle Mariano mala-girlfriend ang pagbati kay Donny: Celebrating you today!
Mismong si Barbie ang sumulat at nag-produce ng nasabing kanta with the help na rin nina Jorel Corpus at Jett Galindo.
Inamin din ng OPM singer na kakaibang instrumento ang kanyang ginamit upang mabuo ang bago niyang track.
“Writing on a new, different instrument makes the process feel exciting and fresh sometimes,” sey niya.
Kwento pa niya, “As the song progressed, I realized I didn’t hear much guitar in it, so I asked my bandmate Nikko Rivera to fill the whole thing with keys and synth parts, and he sent me like 10 layers of things.”
“I just added a little bit of guitar later on, so that I’ll have something to do when we play it live. Karel played bass on it, and Jonard played the drums,” aniya pa.
Kamakailan lang, ipinagdiwang ni Barbie ang kanyang 25th anniversary sa music industry kung saan nagkaroon siya ng concert bilang isa sa mga pinakamaimpluwensyang figure pagdating sa Pinoy alternative rock.
Sa kauna-unahang pagkakataon din, naglabas siya ng “vinyl” para sa debut solo record niya na pinamagatang “Parade.”
Looking forward sa rock icon ang ilan pa niyang bagong releases at collaborations.
Related Chika:
Barbie Almalbis 25 years na sa music industry, makaka-‘jamming’ ang mga dating kabanda
Walang ‘final destination’ ang pag-ibig, dumadaan tayo sa parehong emosyon – Jeremy G
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.