Benj Pangilinan pampa-’good vibes’ ang bagong single na ‘Dance Like You’
PHOTO: Courtesy Sony Music Entertainment
GOOD vibes at talaga namang mapapasayaw ka sa bagong kanta na inilabas ng singer na si Benj Pangilinan, ang kapatid ng aktor na si Donny Pangilinan.
Pinamagatan itong “Dance Like You” na ayon sa singer ay tungkol sa pagiging positibo at masaya sa buhay.
“‘Dance Like You’ is a song for all ages and all people who just want to have fun and dance,” paliwanag ng baguhang mag-aawit sa inilabas na pahayag ng Sony Music Entertainment.
Kwento niya, “I wrote this song a couple of years ago, during the pandemic.”
“I remember just playing the guitar when I suddenly came up with an interesting chord progression. Instantly, I picked up my phone and opened the Voice Memos app. From there, I remember getting this feeling that a song was about to be made,” chika pa niya.
Baka Bet Mo: Kapatid ni Donny Pangilinan na si Benj certified singer na rin, naglabas ng debut single
Ayon kay Benj, isinulat niya ang “Dance Like You” kung saan hindi siya masyadong nag-overthink sa lyrics.
Ginawa, aniya, ng promising young artist ang 4-minute song hindi lang upang magsilbing tulay sa dalawang henerasyon, kundi para mapaindak at mag-enjoy ang anumang edad na makikinig ng kanyang kanta.
Nabanggit din ng singer na ang bagong single ay magiging parte ng kanyang upcoming EP album.
Paliwanag niya, ang album ay magsisilbing eksperimento upang malaman kung sino siya bilang isang music artist.
“I’m super excited to share this with all of you. My work has always been a reflection of my journey towards self- discovery,” saad ni Benj sa press release.
Dagdag pa niya, “I hope that in some way or another, I’ll be able to inspire people with my songs.”
Ang “Dance Like You” ay isa ring follow-up sa kanyang first single na may titulong “Love, That’s Rare” na tungkol sa mga naging karanasan niya pagdating sa pag-ibig.
Related Chika:
Maricel Laxa ‘kinausap’ ni Lord noong ooperahan ang anak sa puso: ‘He is mine, who are you?’
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.