David Archuleta mas pasabog, mas flirty sa latest single na ‘Crème Brulée’
PHOTO from Irvin Rivera
MAY bagong kanta ang American singer-actor na si David Archuleta!
Ito ang pinakamatamis at pinaka-flirty niyang latest single na “Crème Brulée.”
Ito ang unang pampagana mula sa kanyang paparating na EP na nakatakdang i-release ngayong tag-init.
Sa bagong single, ipinapakita ni David ang kanyang mas daring at playful na side.
Higit pa riyan, inilalabas niya ang kanyang Latin roots sa isang pop anthem na punung-puno ng energy at pambihirang vocal range.
Baka Bet Mo: David Archuleta elibs pa rin sa mga Pinoy, nagpasampol pa ng OPM song
Bukod diyan, ang lyrics ng kanta ay pinagsama ng salitang Ingles at Spanish.
“All this time I’ve been singing Spanish covers, but I’ve never had that Spanish flair in my own pop music. I wanted to get in touch with my Latin roots, have fun, be flirty, and explore the sensual side of David,” kwento ng sikat na singer.
Gamit ang kanyang smooth at dynamic vocals, ginugulat tayo ni David sa isang tunog na mas kumpiyansa, mas mapang-akit, at siguradong mapapaindak ang lahat.
At hindi lang ang kanta ang patok dahil may music video na rin ang “Crème Brulée” na talagang napasayaw ang singer.
Sa direksyon ni Nathan Kim, na nakatrabaho na sina Charli XCX, David Guetta, at Lady Gaga, ang video ay puno ng edgy choreography mula sa JA Collective dance trio.
Hindi lang ito simpleng performance—isa itong art form na nagpapakita kung gaano ka-confident at expressive si David ngayon.
“The Crème Brulée video was so much fun to make with the choreography and a new creative release for me,” pagbabahagi ni David.
Patuloy niya, “I’ve always loved moving to music and so the more I’ve taken choreography/dance classes I’ve found a better outlet to feel liberated and express myself.”
“Working with Aidan, Jordan, and Nathan Kim introduced me to a new style that was really satisfying. Dancing brings me a newfound confidence, and makes me feel like I’m more in touch with my body and sensuality,” aniya.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.