English singer James Arthur maglalabas ng bagong ‘hugot’ album sa taong 2024
PHOTO: Courtesy Sony Music
KASUNOD ng kanyang pagbabalik kamakailan kasama ang bagong tracks na “Blindside” at “A Year Ago” ay magkakaroon naman ng bagong album ang sikat na English singer-songwriter na si James Arthur.
Ito ang ika-lima niyang studio album na pinamagatang “Bitter Sweet Love” na nakatakdang ilabas sa January 26 sa taong 2024.
Kwento ng singer, nasa gitna siya ng pagtatanghal nang bigla niyang maisipang gumawa ng panibagong album.
“After being on stage, it struck him how his fifth album should sound. A sold-out crowd was singing along to his hits, immersed in the emotion that the singer could hear in his own voice,” sey sa inilabas na pahayag ng Sony Music.
At dahil nga sa naging ideya ni James ay agad siyang nakipag-ugnayan sa iba’t-ibang producers.
“Within days after the tour closed in the United States, Arthur began sessions with different producers to see who could click with his vision,” ani ng music label.
Baka Bet Mo: James Arthur, Alok naglabas ng collab song, magpapaindak sa dance single na ‘Work With My Love’
Para sa kaalaman ng marami, apat na album na ni Arthur ang nakapasok sa Top 10 charts, kung saan ang “Back From The Edge” ang nag-number one spot noong 2016.
Sa kanyang karera, ilan lamang sa mga nakatrabaho at naka-collaborate niyang sikat na music artists ay sina Anne-Marie, Sigala, Rudimental, Marshmello at marami pang iba.
Si James ang isa sa pinakamalupit at bigating streaming artists na mayroong mahigit 38 million listeners sa Spotify.
Nagsimula siyang sumikat sa hit song na “Say You Won’t Let Go” kung saan na naging “most streamed song” pa ito sa UK noong 2016.
Bukod diyan, ilan pa sa mga hit na hit niyang kanta at nakakuha ng certified platinum records ay ang “Impossible,” “Can I Be Him,” “Sun Comes Up,” “Naked,” “Empty Space,” “Rewrite The Stars,” “Falling Like the Stars,” “Train Wreck” at “Lasting Lover.”
Mensahe ng singer, “The more albums you make and the more success you have, the more the pressure tends to be upon you. But I genuinely felt like a kid again, just making music I loved, not worried about trying to please everyone.”
Related Chika:
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.