Lovely Abella blooming sa maternity photoshoot, netizens bet na bet: ‘Ang gandang buntis!’
PHOTO: Screengrab from Instagram/@lovelyabella_
MASAYA at excited na ipinakita ng actress-comedienne na si Lovely Abella ang naging highlight ng kanyang maternity photoshoot.
Kitang-kita sa video na ibinandera sa Instagram na talaga namang blooming ang aktres sa kanyang pagdadalang-tao.
Kwento pa ni Lovely, ang kanyang anak na si Crisha at mister na si Benj Manalo ang nagtulak sa kanya upang gawin ang ganitong klaseng photoshoot.
“Thank you so much sa napakaganda kong shoot na ‘to yesterday,” wika ng komedyana sa post.
Chika pa niya, “‘di ko na sana itutuloy dahil medyo nahihirapan na din ako, pero dahil na push ako ng Daughter @crishakaye_ at Husband @benj ko super natuwa ako sa outcome [red heart emoji].”
“Praise God for giving me strength na magawa lahat ng layout [folded hands emoji],” sey pa niya.
Dagdag din ng aktres, “Super Thank you sa lahat ng nakasama ko yesterday at tumulong sakin para mapaganda ako [smiling face with hearts emoji].”
Baka Bet Mo: Dimples game na game na sumabak sa underwater maternity shoot, nakumpleto na ang ‘4-elements’ pictorial
View this post on Instagram
Maraming netizens at fans naman ang sumang-ayon kay Lovely na mas gumanda siya ngayon at halatang super happy.
Narito ang ilan sa mga komento na nabasa namin:
“Grabe napakagandang Buntis praying for you po ma’am Safe delivery [red heart emojis].”
“Ang gandang buntis! Madam Lovely super ganda ng photoshoot mo pero higit sa lahat napakaganda mo talaga lahat ng angle!”
“Love this maternity shoot [smiling face with heart eyes emoji] ganda ganda mo po Ms Lovely!”
Kung matatandaan noong January 22, ibinahagi ni Lovely ang isang video na kung saan ay makikitang ginigising niya ang kanyang asawa para i-surprise ng magandang balita.
Kwento ni Lovely, makalipas ng tatlong taong pagta-try nila na magkaroon ng baby ay sa wakas dumating na ang matagal nilang hinihiling.
Related Chika:
Nadine trending dahil sa biniling motor; IG highlights kasama si James, deleted na
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.