SB19, A’TINs waging-wagi sa Billboard Fan Army Face-Off 2023: ‘You’ve once again proven the power that you hold!’
SB19
IBANG klase talagang magmahal at sumuporta ang mga Pinoy fans sa mga iniidolo nilang mga artists and celebrities.
Muling pinatunayan ng mga A’TIN (tawag sa fandom ng SB19) kung gaano sila ka-powerful pagdating sa pagbibigay ng bonggang-bonggang support sa pinakasikat na P-pop group ngayon sa bansa.
At dahil nga riyan, ang SB19 ang nagwagi sa Billboard Fan Army Face-Off 2023 kung saan mahigit 60 grupo ang naglaban-laban mula sa iba’t ibang bansa.
View this post on Instagram
Sa nasabing annual face-off, nakakuha ang SB19, na binubuo nina Pablo, Stell, Ken, Justin, at Josh, ng 51.1 percent ng boto matapos ang limang rounds. Pumangalawa naman ang SEVENTEEN’s CARATs with 48.9 percent.
Ang iba pang nakapasok bilang finalists ay ang BTS, sina Cardi B, Shakira, Taylor Swift, Beyonce, Ariana Grande at marami pang iba.
Baka Bet Mo: Engagement nina Liza Soberano, Enrique Gil noong Valentine’s Day fake news!
“This year’s competitors included fan armies who support luminaries in pop, hip-hop, K-pop, country, R&B, rock, dance and more,” ayon sa social media post ng Billboard.
“Some of these icons have been around for decades, changing the game and shifting the direction of culture, while others are newcomers, helping push music in bold new directions,” dagdag pa rito.
Sa isang video message, sinabi ni Stell sa lahay ng fans ng SB19, “We really appreciate all of your efforts.”
View this post on Instagram
Dagdag ni Justin, “Dahil itong lahat ay para sa A’TIN.”
Sa kanila namang official X o Twitter account, nakasulat ang, “Congratulations, A’TIN! You’ve once again proven the power that you hold. Maraming salamat!”
Kasalukuyang iniikot ng SB19 ang United States at Canada para sa kanilang “PAGTATAG” world tour bilang bahagi ng kanilang promo para kanilang second EP kung saan nakapaloob ang super hit track na “GENTO.”
SB19 todo pasalamat sa A’TINs: Sila ang susi sa tagumpay namin!
Engagement nina Liza Soberano, Enrique Gil noong Valentine’s Day fake news!
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.