Chie Filomeno may sariling pahina sa ‘Star Magic Catalogue’, inalala ang hirap noon: Worth it LAHAT!
PHOTO: Instagram/@chiefilomeno
ACHIEVEMENT unlocked para sa Kapamilya actress na si Chie Filomeno ang magkaroon ng sariling pahina sa kalalabas lang na catalogue ng Star Magic.
Ito ang “Star Magic 30,” isang special anniversary catalogue na ipinapakita ang mga successful events and celebrations na isinagawa ng naturang talent management.
Kabilang na riyan ang grand media con, Christmas event, prom, summer event, sports festivals, at marami pang iba.
Sa Instagram post ni Chie, ibinandera niya ang ilang pictures at videos na kung saan ay ipinapakita niya ang kanyang photoshoot na kabilang sa nasabing catalogue.
Kasabay din niyan ay napa-throwback si Chie at inalala ang mga hirap na pinagdaanan niya sa pag-aartista.
“Worth it LAHAT! 15 years old ako ‘nung nag go-see ako for @starmagicphils, after 4 months ‘nung tinext kami para sa callback,” kwento niya.
Patuloy pa niya, “Apat na callbacks ‘yun, each callback nalalagas kami. From 38 to 8 artists at kasama ako sa 8 na napili na ‘yun.”
“Fast forward to today, I have my own page in the Catalogue! [holding back tears emoji] Almost 11 years with my Star Magic family grabe looking back at my journey, worth it talaga lahat—lahat ‘nung pagod, heartbreaks, puyat at iyak,” sey pa niya.
Nabanggit din niya na dahil sa mga pinagdaanan niya ay marami siyang natutunan at ito raw ay gagamitin niya upang magbigay-inspirasyon sa maraming tao.
“I have learned a lot from those experiences, especially from the people I have worked with that I will value for the rest of my life and hoping that I’ll be able to share those I have learned and inspire people with our journey,” lahad ng aktres sa IG.
Dagdag pa niya, “I’m a firm believer that we should trust the process and put in the hard work while we are waiting for our right time.”
Pangako pa ni Chie, “Patuloy ko pa pong pagbubutihan ang aking trabaho at hindi ko po sasayangin ang mga oportunidad na binibigay niyo sakin.”
“I will never get tired of honing my craft and learning. Nagpapasalamat po ako sa tiwala na binibigay niyo. Congratulations to us!! [white heart emoji,” ani pa ni Chie.
View this post on Instagram
Maraming kapwa-artista naman ang napa-comment sa post ni Chie at nagpaabot ng “congratulatory” messages.
Kabilang na riyan ang kanyang manliligaw na aktor na si Jake Cuenca na nagkomento ng fire emoji.
Related Chika:
Kris Aquino alam na ang kanyang ‘worth’, ‘best role model’ ang yumaong ina
Chie Filomeno tumigil sa pagsasayaw matapos ma-bash dahil sa viral video
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.