Esang, James Philippe, Jarlo, Diego Gutierrez certified Star Magic artist na
Esang, James Philippe, Jarlo Base at Diego Gutierrez
BONGGA ang naganap na launching para sa mga bagong kapamilya ng ABS-CBN Star Magic — iyan ay sina Esang, James Philippe, Jarlo Base at Diego Gutierrez.
Nitong March 11, 2025, opisyal nang ipinakilala ang apat na singer bilang latest addition sa dumarami pang Star Magic artists sa naganap na contract signing at mini-concert sa Noctos Music Bar, Quezon City.
Bagong kabatana para sa kanilang mga career ang maging bahagi ng pamilya ng Star Magic. Present sa nasabing event ang kani-kanilang pamilya, mga kaibigan, at ang mga ABS-CBN executives.
Ipinahayag ng apat na singer-songwriter ang kanilang excitement at pasasalamat na mas mabigyan sila ng pagkakataon na maipakita ang kanilang talento.
Present sa nasabing event sina ABS-CBN TV Production at Star Magic Head Laurenti Dyogi, ABS-CBN Music Head Roxy Liquigan, Head of Digital Services and Business Development Elaine Uy-Casipit, Head of Star Magic Special Events and Digital at Senior Talent Manager Love Almazan-Capulong, ABS-CBN Business Unit Head Raymond Dizon, at Creative Director ng ABS-CBN Music na si Jonathan Manalo na tinawag na “Magical Vibes: Star Magic Music Room.”
Ipinahayag ng mga executives ang kanilang tiwala sa apat na singer-composers.
View this post on Instagram
Kilala sa kanyang husay sa pagkanta at stage presence, nakilala si Esang de Torres sa “The Voice Kids Philippines Season 2” kung saan naging mentor niya si Lea Salonga at nanalo bilang third placer sa nasabing kompetisyon.
Mismong ang Tony awardee ang nagpakilala kay Esang bilang isang promising talent.
“I am beyond grateful to be standing here in front of you tonight, as a newly launched Star Magic artist…I want to take this opportunity to thank Star Magic for believing in me and for giving me this opportunity to grow, to learn, and to share my passion with all of you as an artist,” sabi ni Esang.
Samantala, parehong naghahanda sina James Philippe at Jarlo Base para sa kanilang mga paparating na musical projects under Star Magic.
Ibinahagi ni James Philippe ang kanyang nararamdaman, “I am very speechless and thankful to God. Thank you so much po for this opportunity.”
Ipinakilala naman ni BINI Colet si Jarlo Base sa intro VTR at nagpakita ng kaniyang support at appreciation para sa music ng singer-composer.
Mensahe ni Jarlo, “I’m feeling very excited, and honestly, I feel at home. Thank you so much, Star Magic and ABS-CBN.”
Si Diego Gutierrez, na sumusunod sa yapak ng kanyang pamilya sa industriya partikular na sa kanyang celebrity parents na sina Lotlot de Leon at Ramon Christopher, ay excited na bumuo ng sarili niyang pangalan.
“Thank you again Star Magic for this wonderful opportunity, I promise that I will make the most of it, (and) I’ll keep working hard and I’ll keep striving to be a better artist para pasok tayo sa #TatakStarMagic.”
Siguradong maraming dapat abangan sa mga bagong Star Magic Kapamilya na sina Esang, James Philippe, Jarlo Base at Diego Gutierrez.
Maaaring balikan at muling panoorin ang Star Magic Music Room event sa official YouTube channel at Facebook page ng Star Magic.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.