Former ‘Goin’ Bulilit’star Angeli Gonzales engaged na
ENGAGED na ang dating child star na si Angeli Gonzales sa kanyang non-showbiz boyfriend.
Nitong Lunes, June 26, ibinandera ng actress turned doctor sa kanyang Instagram page ang napakasayang balita.
“Still on a high. This almost didn’t happen because I got grumpy (post toxic duty – hence the eyebags) and didn’t want to leave my bed [laugh in tears emoji],” saad ni Angeli sa caption kalakip ang larawan nilang mag-dyowa habang pini-flex ang kanyang engagement ring.
Dagdag pa niya, “Thank you for all the congratulatory greetings!”
Super happy naman ang mga supporters lalo na ang mga kaibigan ni Angeli sa kanyang bagong chapter na kakaharapin sa buhay.
“So happy for you angel!! Congrats huhu,” komento ni Kristel Fulgar.
Baka Bet Mo: Angeli Khang tinawag na weird version ng ‘Fifty Shades of Grey’ ang ‘Pusoy’: Super wild ang mga sex scenes dito!
Sey naman ng isang netizen, “Congratulations, Angeli!!”
“Congrats po, Dra!!!” saad naman ni Sue.
“Parang hindi tumatanda yung childhood idol ko. CONGRATULATIONS,” hirit naman ng isa pang fan.
Matatandaang naging parte ng Kapamilya youth oriented comedy series na “Luv U” si Angeli kung saan nakasama niya sina Miles Ocampo, Kiray Celis, CJ Navato, Marco Gumabao, at Igi Boy Flores.
Umere ito mula 2012 hanggang 2016.
Bukod rito, naging parte rin si Angeli ng “Home Along Da Riles”, “Got To Believe”, at “Palos”.
Nagdesisyon ang dalaga na lisanin ang showbiz world para i-pursue ang pangarap nitong mag-medisina.
Noong 2020 at ibinalita ni Angeli Gonzales na isa na siyang lisensyadong doktor nang pumasa ito sa Physician Licensure Examination.
Related Chika:
Dating ‘Goin Bulilit’ star Hopia Legaspi ikinasal na sa kanyang non-showbiz dyowa
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.