Unang pasabog ng ‘Royal Blood’ ni Dingdong trending agad sa socmed; Julie Anne, Rayver handa nang makipaglokohan sa ‘The Cheating Game’
Dingdong Dantes, Julie Anne San Jose at Rayver Cruz
PINAG-USAPAN ng mga viewers at netizens ang pagsisimula ng newest murder mystery series ng GMA Network na “Royal Blood.”
Last Sunday, June 19, trending sa Twitter Philippines ang #RoyalBlood pati ang topics na “Dingdong” at “Napoy.”
Puring-puri ng audience ang kakaibang kuwento ng “Royal Blood” na comeback series ng nag-iisang Kapuso Primetime King na si Dingdong Dantes.
View this post on Instagram
“GMA, once again, delivered an engaging series that promises to keep audiences hooked with its engaging narrative and characters.
“Something to look forward to every night! Grabe naman simula pa lang, ang intense na ng mga eksena. Looking forward na ma-unearth ang secrets ng Royales fam,” comment ng isang netizen.
Baka Bet Mo: Rabiya Mateo sa pagiging leading lady ni Dingdong Dantes sa ‘Royal Blood’: ‘Mabigat po siyang responsibility’
Subaybayan ang imbestigasyon sa pagpatay kay Gustavo Royales (Tirso Cruz III) at panoorin ang “Royal Blood,” Lunes hanggang Biyernes tuwing 8:50 p.m. sa GMA Telebabad.
Kasama rin sa serye sina Rhian Ramos, Mikael Daez, Megan Young, Rabiya Mateo at marami pang iba.
* * *
Bonggang lineup ng stars ang aabangan sa “The Cheating Game”, ang unang pelikula ngayong taon ng GMA Public Affairs at GMA Pictures na mapapanood na sa big screen simula sa July 26.
“An edgy, genre-bending romance about the games people play after getting cheated on,” ganyan ang paglalarawan sa unang pelikulang pagbibidahan nina Asia’s Limitless Star Julie Anne San Jose at Total Heartthrob and Performer Rayver Cruz bilang sina Hope Celestial at Miguel Agustin.
View this post on Instagram
Bahagi rin ng kanilang kuwento sina Martin Del Rosario bilang Brian Villogo; Winwyn Marquez bilang Vanessa; Yayo Aguila bilang Faith Celestial; Candy Pangilinan bilang Tita Gelly; Phi Palmos bilang Joi Celestial; Thea Tolentino bilang Natalie; at Paolo Contis bilang Mister Y. Mapapanood din dito sina Chef Jose Sarasola, Charlize Ruth Reyes, Roce Ordoñez, Aaron Maniego, Andrea So, Charm Aranton, Ida Sabido, Evan Tan, at Roi Oriondo.
Nitong Lunes (June 19), ipinakita na rin ang official poster ng pelikula na mula sa direksyon ng best-selling author na si Rod Marmol. Mapapanood na sa mga sinehan ang “The Cheating Game” simula sa July 26.
Robin nagbigay ng update sa health condition: Pinag-stress test ako at may nakita sila…
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.