Chie pasok sa ‘A Very Good Girl’, proud na proud kay Kathryn: ‘Alam ko it’s another blockbuster movie!’
PHOTO: Tweeter/@ChieFilomeno
RAMDAM ang pagiging excited at happy ng Kapamilya actress na si Chie Filomeno sa kanyang bagong proyekto.
Tila ipinagsigawan niya kasi sa social media na kabilang siya sa inaabangang pelikula na pinagsamahan ng award-winning actress na si Kathryn Bernardo at Hollywood star na si Dolly De Leon, ang “A Very Good Girl.”
Bukod sa makakasama ni Chie ang ilang bigating artista sa showbiz industry, sinabi ng aktres na super happy siya dahil alam niyang magiging blockbuster movie ito at siya ay parte ng ganitong klaseng milestone.
Inalala pa ni Chie ang kanyang past tweet tungkol sa pelikula na kung saan daw ay lubos ang kanyang paghanga at papuri para rito.
“Naalala ko nung nag tweet ako about this movie, dahil grabe yung mga bida at production,” wika ni Chie sa isang Twitter post.
Dagdag pa niya, “Sobrang talented na mga actress, napakahusay sa larangan na ginagawa nila. Na alam ko A Very Good Girl is going to be another blockbuster movie of Kath.”
“I was so happy for her because DESERVE! Now I am a part of another of her milestones [black heart emoji] so happy to be a part of this movie! Tapos with Ms. Dolly and ms Angel paaaaa [emojis],” ani pa ng actress sa post.
Naalala ko nung nag tweet ako about this movie, dahil grabe yung mga bida at production. Sobrang talented na mga actress, napaka husay sa larangan na ginagawa nila. Na alam ko A Very Good Girl is going to be another blockbuster movie of Kath. I was so happy for her because… https://t.co/RKX1JCoqcB
— Chienna Filomeno (@ChieFilomeno) June 13, 2023
Maraming fans at netizens naman ang napa-wow sa bagong aabangan kay Chie at narito ang ilan sa mga nabasa namin sa comment section.
“So happy for your big break na ito [sparkles emojis].”
“Ang genuine how you congratulate Kath’s another milestone and there you are celebrating for being part of that movie! Sobrang happy for you, Chie! Can’t wait na mapanood na talaga ito.”
“Deserve mo gurl! You deserve all the blessings that you are reserving [red heart emojis].”
Kung maaalala, noong nakaraang buwan lamang ay ibinandera ng Star Cinema ang pasilip para sa unang araw ng shooting para sa nasabing pelikula.
Wala pang masyadong detalye na inilalabas patungkol sa pelikula, pero nakatakda itong ipalabas ngayong taon.
Related Chika:
Chie Filomeno tumigil sa pagsasayaw matapos ma-bash dahil sa viral video
Mensahe ni Chie Filomeno kay Kyle Echarri: How I wish masabi ko sa kanya na wala siyang kasalanan…
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.