Julia may cryptic posts tungkol sa ‘narcissist’, para ba kay Dennis?

Julia Barretto, Dennis Padilla

BUMANDERA sa social media ang ilang cryptic posts ni Julia Barretto patungkol sa isang “narcissist.”

Walang binanggit kung may pinapatamaan ang aktres, pero ito ay matapos maglabas ng sama ng loob ang kanilang ama na si Dennis Padilla kaugnay sa naging wedding ng isa pa niyang anak na si Claudia Barretto.

Sa serye ng Instagram posts ni Julia, makikita ang dalawang quotes ng tungkol sa isang narcissistic na magulang at ang isa ay ‘yung pagiging pa-victim ng isang narcissist.

Heto ‘yung mga eksaktong kataga na nakabandera sa IG Stories ng dalaga: 

Baka Bet Mo: Dennis tinawagan ni Claudia bago ang kasal, muntikang hindi matuloy ang special day

“A narcissist doesn’t care about being a good parent-they just care about looking like one.”

“To a narcissist, the kids are just pawns in their war to break you.”

“A narcissist’s favorite role? The victim. Because it distracts from the damage they caused.” 

PHOTO: Instagram Stories/@juliabarretto

Magugunitang nitong Martes, April 8, nang ikasal si Claudia sa longtime dyowa niyang si Basti Lorenzo na dinaluhan ni Dennis.

Ngunit ang masaya at memorable sanang araw para sa mag-ama ay nawala dahil tila naging “guest” si Dennis imbes na maging parte ng programa bilang “father of the bride.”

Sa isang panayam, inamin ng komedyante na mas masaya pa raw siguro kung hindi siya inimbita ng anak at nang-gatecrash na lamang siya.

“One of the most painful part ng buhay ko na naranasan. Wala ito sa kalahati ng mga naranasan ko [sa kanila] sa mga nakaraan, pati nu’ng mga debut. Wala,” sey ni Dennis.

Dagdag pa niya, “Ayoko na. Sabi nila ako ‘yung toxic. Talaga ba?”

Nabanggit din niya na pagod na siyang maghabol sa kanyang mga anak kaya ititigil na niya ito.

“Ayoko na. Surrender na. I’m finished…Tatay na lang nila ako pero bringing back the relationship, wala na siguro,” sambit ni Dennis.