Juday, Ryan super proud sa pag-graduate ni Yohan sa HS, may paalala sa pagtungtong ng college: ‘There will be a lot of ups and downs…’
SUPER proud parents ang celebrity couple na sina Ryan Agoncillo at Judy Ann Santos sa pagtatapos ng panganay nilang anak na si Yohan sa high school.
Sa kanyang Instagram account, nag-post si Juday ng ilang litrato na kuha sa graduation ni Yohan kalakip ang madamdaming mensahe para sa anak.
“My dearest buding, We are so so proud of you.. your hard work and perseverance all throughout your HS life paid off and more,” ang bahagi ng caption ng Soap Opera Queen sa kanyang IG post.
Kasunod nito, pinaalalahanan ni Judy Ann ang anak nila ni Ryan tungkol sa mga panibagong challenges na maaari niyang kaharapin sa pagsisimula ng kanyang buhay bilang college student.
“As you enter another chapter in your life as a college student, a lot will change.. there will be a lot of ups and downs.. but all these will make you a better and responsible person,” ang message pa ng actress-TV host at negosyante kay Yohan.
Baka Bet Mo: Juday proud na ibinandera ang bonggang achievement ni Yohan: You did so well baby girl!
Nangako rin si Juday sa anak na palagi lamang silang nandiyan ni Ryan bilang mga magulang at bilang “cheerer and supporter.”
“Mom and dad will always be here to support and cheer you on in every step of the way. We love you so much and we appreciate all that you do,” sey ng aktres.
Samantala, nag-share rin si Ryan sa kanyang social media accounts ng mga pictures nilang pamilya sa graduation ni Yohan, kabilang na ang touching moment kung saan hinahalikan ni Yohan sa noo si Juday.
“Oh My Little Buding,” ang maikling caption ni Ryan sa kanyang IG post with matching heart emoji.
Last November, 2022, nag-celebrate si Yohan ng kanyang 18th birthday with a glitz and glam-themed party. Kitang-kita sa mga litrato na ibinahagi nina Ryan at Juday ang kanilang excitement sa pagdadalaga ng anak.
Related Chika:
Paano nga ba dumating sa buhay nina Ryan at Juday ang panganay nilang si Yohan?
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.