Gabbi ninerbiyos nang bonggang-bongga nang makaeksena si Jodi; nakapikit lang sa ‘kitchen scene’ nila ni Joshua
Gabbi Garcia, Jodi Sta. Maria at Joshua Garcia
INATAKE ng matinding nerbiyos ang Kapuso actress na si Gabbi Garcia sa mga unang eksena nila ni Jodi Sta. Maria sa primetime series na “Unbreak My Heart.”
Abot-langit ang pasasalamat at feeling blessed ang dalaga na napasama siya sa historic collaboration project ng ABS-CBN Entertainment at GMA 7 na nagsimula nang umere last week sa Kapuso network.
Magiging magkaagaw sina Gabbi at Jodi sa karakter ni Joshua Garcia kaya naman asahan na ang mga pasabog at nakakalokang eksena ng tatlong bida na siguradong ikaka-shock ng manonood.
Ayon kay Gabbi, napakarami niyang natutunan kina Jodi at Joshua habang nagsu-shooting sila sa Switzerland hindi lamang sa pag-arte kundi maging sa personal nilang mga buhay.
View this post on Instagram
“First of all, I’m very, very honored to work with two brilliant actors. I’ve learned a lot. Lagi lagi kong sinasabi yun. Everyday is a new learning day for me. Every taping day is a new learning day for me.
“And I’m grateful because they’re such giving actors, they’re such generous actors. Hindi ako naka-feel ng kahit anong intimidation lalo na kay ate Jodi,” pagbabahagi ni Gabbi.
“Actually at first talagang kinakabahan ako maka-work siya kasi she’s an award-winning actress and I haven’t met her ever. So ang daming questions in my head na ‘shucks, sana maging okay yung connection naming dalawa.’
“But you know, God is just so good that He’s leading me to the right people to work with and ate Jodi is one of them. So I’m just really so honored to work like that,” dagdag ni Gabbi.
Baka Bet Mo: Gabbi Garcia naiyak sa muling pagpirma ng kontrata sa GMA; type sumabak sa LGBTQ project
Ayon pa kay Gabbi, hindi na siya masyadong nag-adjust sa pagtatambal nila ni Joshua dahil matagal na rin sila magkaibigan.
“Joshua and I knew each other before this project. Kasi nagkasama na kami sa iba’t ibang gatherings with our friends so kumportable na kami sa isa’t isa prior to this project. And mas nakilala pa namin ang isa’t isa when we did this project.
“Alam naman natin kung gaano kagaling si Joshua Garcia, my goodness! Parang hindi na natin kailangan sabihin kung gaano siya kagaling kasi wala na siyang kailangan patunayan.
View this post on Instagram
“Magaling na siyang aktor. I learned a lot from Joshua every single day and I thank him for that,” aniya pa.
Puring-puri rin niya si Joshua bilang leading man, “Josh is very respectful and maalagain. He’s very, very sincere and he’ll make sure you’re comfortable every step of the way.”
Sa tanong kung ano ang most memorable scene nila together ni Joshua sa “Unbreak My Heart”, “Abangan na lang ninyo yung kitchen scene. Ha-hahaha! Oh my God!
“Basta siguro yun. Hindi ko rin siya ma-gauge kasi nakatakip lang yung mata ko the whole time. So baka yun yung kailangan niyo abangan,” chika pa ni Gabbi.
Kasama rin sa cast ng “Unbreak My Heart” sina Richard Yap, Laurice Guillen, Eula Valdes, Sunshine Cruz, Romnick Sarmenta, Victor Neri, Nikki Valdez, Jeremiah Lisbo, Bianca de Vera, Will Ashley, Dionne Monsanto, Maey Bautista, at PJ Endrinal.
Ito’y sa direksyon nina Manny Palo at Dolly Dulu mula sa Dreamscape Entertainment at napapanood sa GMA Telebabad, GMA Pinoy TV, TFC, at Viu.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.