COVID-19 positivity rate sa bansa bumaba na –Octa Research
GOOD news, mga ka-bandera!
Mababawasan na ang pangamba natin sa COVID-19, ngunit hindi ibig sabihin niyan ay wala nang kumakalat na virus.
Ayon sa independent pandemic monitor na Octa Research, bumaba na ang positivity rate o ‘yung bilang ng mga nahahawaan ng virus sa bansa.
As of May 30, nasa 19.9 percent nalang ang Metro Manila.
Mas mababa ‘yan kumpara noong nakaraang linggo na nasa 24.4 percent ang COVID-19 positivity rate.
Sabi ni Octa Research fellow Guido David, dahil sa kasalukuyang percentage ay maituturing nasa “moderate-risk” na ang COVID-19.
“COVID-19 hospital beds occupied decreased slightly over the same period, remaining at low occupancy,” dagdag pa ni David.
Baka Bet Mo: COVID-19 hindi na itinuturing ‘global health emergency’ –WHO
NCR 7-day testing positivity rate decreased to 19.9% (moderate) as of May 30 2023. On May 23, it was at 24.4% (high). Covid-19 hospital beds occupied decreased slightly over the same period, and remaining at low occupancy. #covid19 @dzbb pic.twitter.com/XxiyXwwPaY
— Dr. Guido David (@iamguidodavid) June 1, 2023
Gayundin ang nakitang datos sa buong bansa na kung saan ay bumaba sa 20.3% ang COVID-19 positivity rate, as of June 1.
Matatandaan noong nakaraang araw ay nasa 21.2% ito.
Kahapon lamang, June 1, ay nakapagtala ng 1,537 new infections ang Department of Health’s (DOH).
Ngunit base sa projection ni David ay maglalaro ito sa pagitan ng 1,100 hanggang 1,300 na mga bagong kaso ng virus ngayong araw, June 2.
“Projecting 1,100-1,300 new cases on June 2, 2023,” sey ng Octa fellow.
June 1 2023 DOH reported 1537 new cases, 0 deaths, 957 recoveries 15418 active cases. 20.3% 7-day positivity rate. 422 cases in NCR. Projecting 1100-1300 new cases on 6.2.23 #COVID19 #covid @dzbb @DZAR1026 @ali_sotto @dwiz882 @AthenaImperial_ @allangatus @wengsalvacion pic.twitter.com/ORdqovYISY
— Dr. Guido David (@iamguidodavid) June 1, 2023
Samantala, ayon sa latest report ng DOH ay nasa 15,418 na ang active cases o kasalukuyang nagpapagaling sa COVID-19.
Nauna nang nagpaalala ang Health officer-in-charge na si Maria Rosario Vergeire na inaasahan ang pagtaas at pagbaba ng bilang ng mga impeksyon sa bansa dahil sa mas mababang bilang ng mga pagsusuri na isinasagawa.
Read more:
Vice inatake ng matinding anxiety dahil sa mataas na hairline: Pero ngayon, wala na akong pake!
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.