Ellen ‘dream come true’ ang pagpapakasal kay Derek: ‘Very peaceful, ipinagdasal ko talaga ‘to’
Ellen Adarna, Derek Ramsay at Elias
SIMULA nang magkakilala hanggang sa magpakasal ay hindi pa nagkakaroon ng matinding away o kahit man lang tampuhan ang mag-asawang sina Derek Ramsay at Ellen Adarna.
Ayon kay Ellen, sobrang happy at balanse ng buhay niya ngayon, mula sa pagiging working mom, hanggang sa pagganap niya bilang asawa at partner in life ni Derek.
Ikinasal sina Ellen at Derek noong November 11, 2021 sa Bagac, Bataan makalipas lamang ang ilang buwang engagement. Nag-propose ang aktor kay Ellen kahit sandali pa lamang silang nagkakakilala.
View this post on Instagram
Chika ng dating sexy star, itinuturing ni Ellen na dream come true ang pagkakaroon niya ngayon ng sariling pamilya at tahimik na buhay na malayo sa maintrigang mundo ng showbiz.
“Very peaceful, balanced. The life I have now is the life that I always imagined and prayed for, like achieved.
“We’re just really enjoying our time together kasi two years pa lang kami married. Bago pa lang and we got married so fast.
“Everything happened so fast. We are really enjoying our quality time,” lahad ni Ellen sa naganap na opening at ribbon cutting ng Shinagawa Diagnostic & Preventive Care last April 26, ang kauna-unahang Japanese healthcare service sa Pilipinas na nag-aalok ng A1 technologies.
Baka Bet Mo: Derek love na love ang anak nina Ellen at John Lloyd na si Elias: Happy birthday, son! Love you so much!
Chika pa ni Ellen, so far, wala pa silang major-major away ni Derek nang magsama sila bilang married couple, “You know what, we don’t (quarrel). And from the very start, like, of course, we have conflicts, tinitimpla n’yo pa.
“And the boundaries were already set, like ‘No you cannot do that. No you cannot say that. You do these,’ and this will be the downfall of your marriage.
“The boundaries are set and it’s being respected and honored by both parties so if we have arguments, it’s very chill,” sey pa ng wifey ni Derek.
Super thankful din si Ellen kay Derek dahil sa pagmamahal at pag-aalaga nito kay Elias Modesto, ang anak niya sa aktor ding si John Lloyd Cruz
View this post on Instagram
“Thank God na high energy si Derek kasi hindi ko kaya yung boys’ energy. Hindi ako marunong makipaglaro ng lalake. Hanggang sa nurturing lang ako, pakain, paligo, hanggang diyan lang ako,” pagbabahagi ni Ellen.
Tungkol naman sa relasyon ni Lloydie sa kanilang anak, okay naman daw ang co-parenting agreement nila, “Elias spends time with John Lloyd. I make sure he has good relationship with John Lloyd. He needs John Lloyd as much as he needs me so our co-parenting is okay.”
Samantala, pinanindigan na nina Derek at Ellen ang desisyon nilang mamahinga muna sa showbiz at mag-focus muna sa kanilang married life. Plano rin nila ni Derek na karirin ang pagkakaroon ng sarili nilang anak ngayong 2023.
“Ayokong mag-taping. Alam naman natin na it requires a lot of energy so it is my choice to take a break.
“I think it was fun when I was young and I didn’t have… it was only me and I had a lot of energy. It was just only me. ‘Okay, go, go, go. Gawin natin ito, gawin natin yan,’” ani Ellen.
“We just met at the perfect time, when I met him parang ayaw na rin niya mag-showbiz. For me, when I had Elias parang he’s my main priority that I want to be there on his formative years. He’s turning five.
“And we’re planning to have a baby this year. Wala pa talaga, wala pa sa plano ang magbalik sa showbiz,” sabi pa niya.
Samantala, nakasama naman ni Ellen sa ribbon-cutting ceremony ng Shinagawa Diagnostic & Preventive Care ang kanyang kapwa celebrity ambassador na si Sanya Lopez, Taguig City Mayor Lanie Cayetano, Shinagawa President Masako Uemori, at Shinagawa Chairman Koji Miyashita.
Derek mas bumongga ang buhay dahil kina Ellen at Elias: It’s perfect! I love you baby!
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.