Kathryn, Dolly nag-inuman session bago sumabak sa shooting: ‘Pareho kaming may pagka-stubborn, medyo matigas ang ulo, pero…’
Dolly de Leon, Petersen Vargas at Kathryn Bernardo
PURING-PURI ng award-winning international actress na si Dolly de Leon si Kathryn Bernardo matapos silang mag-bonding at makapagchikahan kamakailan.
Naganap ang muling pagkikita nina Dolly at Kath last Thursday night, Abril 20, kung saan nakasama din nila ang magdidirek ng pagsasamahan nilang pelikula na si Petersen Vargas.
Ang tinutukoy namin ay ang bagong movie ng Star Cinema at ABS-CBN Productions na “A Very Good Girl” na ngayon pa lang ay inaabangan na ng madlang pipol.
View this post on Instagram
Ayon kay Dolly, big deal sa kanya ang pagba-bonding nila ni Kathryn at ng kanilang direktor bago sila tuluyang sumalang sa shooting.
“Kasi po, makakatrabaho ko siya, e. And ako, I really believe that for you to work effectively with people, you need to have a good relationship with them.
“And I was excited to meet her and she did not disappoint. She’s lovingly beautiful inside and also intelligent. Masarap siyang kausap. And marami rin siyang input. And she’s also funny,” sabi ni Dolly nang makapanayam ng ilang press sa naganap na FDCP Parangal ng Sining nitong nagdaang Linggo, April 23.
Dagdag chika pa ni Dolly, nag-wine-wine rin daw sila, “Kasi ano, talagang inuman session yun na parang a way for us to get to know each other.
“It was a way for us to talk to each other about how we work together, how can we help and support each other during filming.
“And kasi it’s really important na when you’re working with people that you establish a relationship with them,” aniya pa.
Kuwento pa ni Dolly, pareho rin sila ng zodiac sign ni Kathryn — Aries. “Pareho kaming may pagka-stubborn. Ha-hahaha! Medyo matigas ang ulo namin!” sabay tawang chika ni Dolly.
View this post on Instagram
“Pero at the same time, ahhmm marunong din kaming maging flexible. We’re natural born leaders. You know, Aries, fire sign, so medyo very passionate, mapusok. I guess that’s why we’re both very passionate about our job,” dugtong niya.
Nabanggit din niya na nagkasama na sila noon ni Kathryn, “Na-meet ko siya noong bata pa siya! Parang 13 pa lang siya noon, e. I didn’t really have a chance to interact with her. More of yung mommy niya ang kachika ko noon.
“Soft-spoken (siya noon), tahimik, hindi machika. Ngayon, she’s still a little bit soft-spoken, mahinhin pa rin which is nice.
“And she has an opinion, she’s her own woman and I love that about her. She grew up to be a really beautiful human being. Inside. And a very good actress. Given yun talaga.”
Kuwento pa niya, ibang-ibang Kathryn ang mapapanood sa “A Very Good Girl”, “Yes. And ibang-iba rin ito for me. A Very Good Girl is a story of reckoning between two women, between two self-made women.
“And it’s a reckoning story of how they navigate life, being the empowered women that they are,” aniya pa kasabay ng pagsasabing hindi rin sila mag-ina sa pelikula.
“They’re businesswomen (mga role nila sa movie). So it’s the business world. Wala rin siyang love interest. Because it’s a testament that women can survive on their own without the dependence of another person on their lives,” pahayag pa ni Dolly de Leon.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.