Katrina Velarde hindi tuloy ang concert sa US, may isyu kaya sa producer?
CANCELLED na ang U.S. concert ng singer na si Katrina Velarde na dapat ay magaganap ngayong darating na April 21 hanggang May 24.
Ang naturang pagkakakansela ng kanyang show ay may kaugnayan sa naganap ring concert ng mga komedyanang sina Pokwang at K Brosas.
Iisa lang kasi ang producer ng concert nina Katrina, Pokwang, at K na Vynz Muzik LLC ni Vicente Gahon Gesmundo.
Matatandaang nito lang ay napag-usapan sa latest “Showbiz Update”episode ang hindi natuloy na concert ng dalawang comedienne sa Chicago, Illinois noong Sabado, Abril 1, dahil sa hindi nito natupad ang mga financial obligations nito sa dalawa.
Kahapon lang ay naglabas ng statement ang Viva Artists Agency, ang talent management na namamahala sa karera ni Katrina ukol sa pagkaka-cancel ng kanyang concert.
“With deep regrets. VAA hereby informs the public that Katrina Velarde’s US Tour, scheduled to happen from April 21 to May 14, 2023 is cancelled.
“Due to circumstances surrounding the show’s producer Vynz Muzik LLC and its obligations, management has deemed it necessary to cancel the show.
“We extend our heartfelt apologies for any inconvenience the cancellation may have caused.
Baka Bet Mo: Toni ‘cancelled’ na sa mga anti-Bongbong, haters tinalakan ni Ogie: Gawa rin kayo ng YouTube channel n’yo!
“Katrina Velarde remains fully committed to delivering excellence in her performances and shows. We truly appreciate your understanding and unwavering support for Katrina,” buong pahayag ng Viva.
Ibinahagi rin ito ng singer sa sarili niyang Facebook page.
Ayon rin sa official statement ng VAA ay abangan na lang ang update na ilalabas ng Vynz Muzik LLC para sa magiging refund ng mga taong bumili ng concert tickets ni Katrina.
Wala pa namang pahayag ang producer na si Vicente Gesmundo ukol sa naging desisyon ng VAA na ikansela ang concert.
Ngunit sa kabila nito ay makikitang naka-share sa kanyang Facebook page ang kopya ng naturang official statement ng VAA ukol sa concert ni Katrina.
Samantala, maglabas naman siya ng maikling pahayag hinggil sa naunsyaming concert nina Pokwang at K.
“Hi ask them. I didn’t cancel, it’s them,” saad nito.
Related Chika:
Katrina Velarde nawalan ng 1k followers dahil sa UniTeam rally: Still, I respect you and I appreciate those who respect me too…
Katrina Velarde malalim ang Christmas hugot; nagluluksa pa rin sa biglang pagpanaw ng asawa
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.