Jamie Rivera napiling head at creative consultant ng bagong record label ng ABS-CBN na Inspire Music
Jamie Rivera
MAY bagong exciting role na gagampanan si Jamie Rivera bilang head at creative consultant ng Inspire Music, ang bagong record label ng ABS-CBN Music na ang unang handog nga ay ang kantang “3 in 1” na inilunsad na last Friday, March 31.
Isang upbeat song ang “3 in 1” na may reggae vibe at tungkol sa ligayang nararamdaman sa pagtitiwala sa Holy Trinity, o ang Diyos Ama, Anak, at Espiritu Santo.
“The song is perfect for anyone looking for something fun and new this summer to dance to, or even for use when people gather to celebrate and pray together,” ayon sa Inspirational Diva na siya ring sumulat ng kanta.
Kasama rin bilang featured artists ang mga batang sina Imogen at “The Voice Kids” season 5 contestant Fabio Santos sa napapanahong awitin.
View this post on Instagram
“Ang gagaling nu’ng mga bata and they were able to give justice to the song. We collaborated with them so that more children will relate to ‘3 in 1,’” ani Jamie.
Ang “3 in 1” ang kauna-unahang kanta na ipinrodyus sa ilalim ng Inspire Music, ang ABS-CBN Music label na tututok sa paggawa ng mga inspirational music para maghatid ng pag-asa at malasakit sa mga makikinig.
Baka Bet Mo: Baron hiwalay muna sa asawa habang ginagamot ang pagiging alcoholic; may hugot sa ‘soft porn’
Paliwanag ni Jamie, “Inspire Music is about inspiring people from all walks of life—to be inspired by the melody, by the lyrics, by the music.”
Bukod sa pagtutok sa music production, gagabayan din ni Jamie ang iba’t ibang ABS-CBN artists na nakatakdang mag-rekord ng musika sa ilalim ng bagong label.
Si Jamie ang nasa likod ng iba’t ibang sumikat na inspirational at makasaysayang kanta, katulad ng “Heal Our Land,” “Jubilee Song,” “Only Selfless Love,” “Tell the World of His Love,” at “We Are All God’s Children.”
Ang tanyag na mang-aawit din ang nagbigay buhay sa official mission song na “We Give Our Yes” ng 500 Years of Christianity celebration sa bansa noong 2021.
Mapapakinggan na ang “3 in 1” ni Jamie sa iba’t ibang streaming platform at abangan ang mga susunod pang musika na ilulunsad ng Inspire Music label.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.