Bretman Rock nagpa-tattoo para muling ibandera ang pagiging Pinoy sa buong universe
MULING ibinandera sa buong universe ng internet sensation at social media personality na si Bretman Rock ang kanyang pagiging Filipino.
Bukod sa muling pagbabalik at pagbisita sa Pilipinas, may bagong paandar si Bretman para ipagsigawan ang kanyang pagiging proud Filipino — yan ay ang pagpapa-tattoo.
Sa Instagram account ng Filipino-American socmed star, ipinakita niya kahapon, March 29, sa publiko ang bagong intricate tribal tattoo sa kanyang leeg at lower back.
Bukod sa mga litrato, nagbahagi rin si Bretman ng video kung saan mapapanood ang actual “tatak” o ang tinatawag na batok ceremony na inilarawan pa niyang “truly unforgettable” experience.
“I can’t wait to share all about it with you guys one day.
“But for now it’s between Me and Lilang who I always talk about in all my interviews and you can learn more about her on my book. Oh and my loved ones of course,” ang caption ni Bretman sa kanyang IG post with matching Philippine flag at blood emoji.
May isang netizen naman ang nagtanong sa kanya kung gaano kasakit ang ginawang tattoo sa kanya, sagot ng socmed sensation, “Not more than my other tattoos with machine.”
Baka Bet Mo: Bretman Rock gustung-gusto nang bumalik uli ng Pinas: ‘I miss being home…take me back now!’
Kamakailan ay nasa bansa nga si Bretman para sa book signing ng kanyang memoir, ang “You’re That Bitch & Other Cute Lessons About Being Unapologetically Yourself.”
Mababasa sa naturang libro ang “collection of essays” patungkol sa kanyang buhay – mula sa kanyang childhood sa Pilipinas, ang mga experience niya bilang first-generation immigrant, at ang naging journey niya sa pagiging social media sensation sa edad na 14.
Ayon kay Bretman, na naka-base na ngayon sa Hawaii, itinuturing pa rin niyang “tahanan” ang Pilipinas, “This is all because of a little Filipino Bakla that dreamed he was gonna be artista one day. And he was going to make it happen one way or another.
“That little boy planted so many seeds for me so that I can flourish today and I’m forever doing everything for him and because of him.
“I’m literally in tears every morning that I’ve been here this week.
“I’m home, this is home and it will forever be HOME. Thank you for everything Philippines you have changed my life forever.. YOU’RE THAT BITCH ALWAYS AND FOREVER,” aniya pa sa isang IG post.
Related Chika:
Pinoy internet star Bretman Rock may ‘alay’ sa lahat ng batang beki sa Pinas
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.