Regine inaming nagbago na ang boses, super thankful sa fans: You guys inspire me to try and be better

VIRAL sa social media ang nakakaantig na palitan ng komento ni Asia’s songbird na si Regine Velasquez at ng isang fan.

Nag-umpisa ito nang mag-tweet ang nasabing fan habang nagpe-perform sa isang concert sa Makati City ang singer nitong February 18.

Sinabi ng fan na kasalukuyan siyang nanonood sa concert at nais lamang daw niyang ipaalam kung gaano siya nai-inspire ni Regine.

Lubos din niyang pinuri ang naging performance ng singer na todo bigay sa pagtatanghal.

“Hi teh @reginevalcasid nasa concert pa rin ako. But I just wanna say that you change everyone’s life,” tweet ng fan.

Dagdag pa niya, “You have been our greatest armor and an inspiration through ups and down. Di mo kami sinusukuan. Every performances you give you 110% BEST. Congrats and we love you.”

Hi teh @reginevalcasid nasa concert pa rin ako. But I just wanna say that you change everyone’s life. You have been our greatest armor and a inspiration through ups and down. Di mo kami sinusukuan. Every performances you give you 110% BEST. Congrats and we love you ❤😭👑#SOLO pic.twitter.com/DrSQFPK0Fs

— nadinelovesregine 🕊🕊 (@nadine_rv_mugas) February 17, 2023

Napansin naman ito mismo ni Regine at kaagad na nireplyan ang fan.

“Oh my goodness [red heart emoji] I thought I was just doing my job [laughing emoji],” sey ni Regine.

Sinabi rin ng Asia’s songbird na kahit nagbago na ang kanyang boses ay patuloy pa rin niyang sinisikap na magbigay ng magandang performance para sa kanyang fans.

“But you guys inspire me to try and be better as you know my voice is not the same but I’m working really hard to give you guys a worthy performance. Thank you so much for the [red heart emoji],” tweet ni Regine.

Oh my goodness ❤️ I thought I was just doing my job 😂. But you guys inspire me to try and be better as you know my voice is not the same but I’m working really hard to give you guys a worthy performance. Thank you so much for the ❤️😘

— regine alcasid (@reginevalcasid) February 18, 2023

Napaiyak naman diyan ang fan at sinabing, “Awww teh huhu nakakaiyak pinaiyak mo ko ngayon….pero sa totoo lang po ikaw po nag-inspired sa amin para maging mabuti ikaw din nagpabago samin.”

Aniya, “Ang laki mong parte sa buhay namin teh kung alam mo lang po kaya salamat sa lahat [red heart emoji].”

Ang viral tweet ay umaani na ng mahigit 44,000 engagements.

Samantala, hindi pa natatapos ang serye ng concert ni Regine dahil magkakaroon din siya ng pagtatanghal sa darating na February 24 at 25 sa Samsung Performing Arts Theater sa Circuit, Makati.

Related chika:

Kylie gumawa ng tula para sa birthday ni Robin, todo pasalamat sa ama

Buti na lang nagbago ako ng lifestyle kundi wala na ako ngayon o may cancer na ‘ko

Brenda Mage nagparetoke ng ilong, sey ng netizens: Wala namang nagbago