Tito, Vic & Joey, Aga, Empoy, Quizon brothers sanib-pwersa sa ‘Let’s NET together 2023 Countdown Special’
Aga Muhlach, Tito, Vic & Joey, Epy, Eric at Vandolph Quizon
BONGGANG salubungin ang pagpasok ng 2023 at makisaya sa “Let’s NET together 2023 Countdown Special” ng NET25 na gaganapin sa Philippine Arena.
Ka-join sa selebrasyon ng NET25 ang mga sikat at iconic celebrities at mga paborito ninyong banda para salubungin ang Bagong Taon.
Kasama sa selebrasyon sina Tito Sotto, Vic Sotto, Joey de Leon, Aga Muhlach, ang magkakapatid na Eric, Epy at Vandolph Quizon, Ara Mina, Love Añover, Empoy Marquez, Ace Banzuelo, Pricetagg, Gloc-9, Nobita, Alexa Miro at Jay-R.
Nandiyan din ang G22, Mayonnaise, sina Emma Tiglao, Billie Hakenson, Isabelle delos Santos, Daiana Menezes, Rikki Mathay, Bearwin Meily, Wej Cudiamat, Tonipet Gaba, CJ Hirro and Jumanji Band at marami pang iba.
Isa rin sa kailangang abangan sa event ang world class fireworks display na mas magpapaliwanag ng kalangitan.
Inaanyayahan din na makisaya ang lahat at sumali sa “Selfie with the Agila Promo”. Kailangan lang mag-register online sa NET25.com at ilagay ang mga hinihinging detalye katulad ng kumpletong pangalan at tirahan (numero ng tirahan, pangalan ng kalye, barangay, lungsod o bayan, at probinsya).
Para sa mga manonood sa telebisyon, dapat na maging handa sa pagkuha ng selfie habang nanonood ng “NET Together 2023 New Year Countdown Special” at matapos makuha ang litrato ay i-upload ang selfie sa NET25.com mula December 31, 2022, 10 p.m. hanggang January 1, 2023, 1 a.m..
Ang mga raffle winners ay posibleng manalo ng tatlong brand new cars at cash prizes na aabot ng P100,000.
Para sa iba pang impormasyon, i-check ang event posters o kaya naman ay bisitahin ang www.net25.com.
Magbubukas ang Philippine Arena grounds ng 9 a.m. dahil may handog ding rides, bazaar at food market at booth stalls na nag-aalok ng iba’t ibang mga paninda at delicacy.
Isa ito sa pinakamagandang lugar sa bansa para sa mga family picnics, bonding at get-togethers. Magsisimula naman ang New Year Countdown ng alas diyes ng gabi.
Kaya naman manood na ng “Let’s NET Together 2023: NET25 New Year Countdown Special” sa mga sumusunod na channels: Channel 49 (digital free TV), 25 (Analog free TV), 18 (Skycable), 17 (Cablelink), 14 (Cignal), 18 (destiny), 25 (Satellite), at 42 (G-Sat).
Aga Muhlach: Fish vendor ka, security guard, market vendor ka, lahat kayo bida sa akin!
Quizon brothers bubuhayin ang mga classic paandar ni Dolphy: Wala kaming comparison sa galing nu’n!
Epy Quizon, Martin del Rosario ibinandera ang ‘bida-kontrabida’ sa buhay nila…sino kaya?
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.