Joey de Leon, Ruby Rodriguez nagpalitan ng joke matapos matsismis na may samaan ng loob: Magkikita-kita rin tayo!
Ruby Rodriguez
TINULDUKAN na ng comedy at movie icon na si Joey de Leon at ng TV host-actress na si Ruby Rodriguez ang tsismis na may samaan sila ng loob.
Nagpalitan ng nakatutuwang mensahe ang Henyo Master at ang dating “Eat Bulaga” host sa social media na pinusuan at ni-like ng sandamakmak na netizens.
Nagsimula ito nang batiin ni Ruby si Joey noong magdiwang ang komedyante ng 76th birthday nito last October 14.
Sa kanyang Instagram account, nagbahagi si Ruby ng litrato ni Joey kalakip ang pagbati niya sa veteran TV host-comedian, “Mayor!!!! Happy Birthday @angpoetnyo (cake emoji) hamishu… kilala mo pa ba ako (laughing emojis) labyu (heart emojis).”
Nag-reply naman sa kanya si Joey at biniro rin si Ruby kasabay ng pagsasabing darating din ang tamang panahon na magkikita-kita uli sila.
Comment ni Joey sa birthday greeting ng komedyana, “YBUR (binaligtad na Ruby)! How are you na? Marunong ka pa mag-Tagalog?
“Magkikita rin tayo at isang lipad lang naman yan!” pangako ni Joey.
Kasunod nito, kinumusta rin ng “Eat Bulaga” host ang asawa ni Ruby at ang dalawa nilang anak.
View this post on Instagram
Reply ni Ruby sa tanong sa kanya ni Joey kung marunong pa siyang mag-Tagalog, “Naman!! Ako pa! hahaha looking forward to seeing you again (heart emoji).”
Natuwa at naaliw naman ang mga netizens sa pagpapalitan ng mensahe ng dalawang Dabarkads matapos ngang matsismis noon na meron daw silang gap. Marami rin ang nag-wish na sana’y bumalik na si Ruby sa “Eat Bulaga.”
Nasa Amerika ngayon ang komedyana at doon na nagtatrabaho at naninirahan kasama kasama ang kanyang pamilya.
Sa mga nagtatanong, tatlong dekada ring naging host ng “Eat Bulaga” si Ruby at noong 2020 nga ay bigla na lang siyang nawala sa longest-running noontime show sa Pilipinas.
Sabi ni Ruby sa isang panayam, talagang balak niyang pumunta sa Amerika noon para ipatingin ang bunsong anak na si Don AJ na may auto-immune disease.
Ipinaalam daw niya ang kanyang plano na mag-leave muna sa programa sa bossing nilang si Tony Tuviera, ang president at CEO ng TAPE, Inc., na siyang producer ng “Eat Bulaga”.
Okay naman daw kay Mr. T (tawag kay Mr. Tuviera) ang balak ni Ruby ngunit nang magkapandemya hindi natuloy ang pagpa-file ng leave ng TV host dahil sa pagpapatupad ng community quarantine.
Hanggang sa unti-unti nang bumalik sa ere ang “Eat Bulaga” pero hindi na nga siya nakasama sa mga pinag-report sa show. Aniya, hindi rin daw niya alam kung bakit hindi na siya pinabalik.
“Ang makasasagot lang kung tinanggal ako o hindi ay sila. That’s why I always say, ‘Please ask them.’ I don’t know how they will answer it. If they were going to say, ‘Ito ba ay leave?’
“Hindi ko alam kung ano ang desisyon nila, but it’s management’s decision, and we always respect that.
“With regards if they take you out just like that, they just drop you like a hot potato, I think it’s them who can answer that,” sabi ni Ruby.
Nagtungo sa US ang pamilya ni Ruby noong June 2021 at sa ngayon ay nagwo-work na siya sa Philippine Consulate sa Los Angeles, California.
Hirit ni Joey kay Ruby: Marunong pa kaya siyang mag-Tagalog? Kilala pa kaya niya tayo?
Ruby Rodriguez sa US na magtatrabaho; bakit nga kaya nawala sa Eat Bulaga?
Ruby hindi nag-resign sa Bulaga: Ang makakasagot lang kung tinanggal ako o hindi, ay sila
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.