Donny, 2 kapatid sabay-sabay na nagtapos sa college, Maricel, Anthony super proud parents: ‘Sa wakasssss!’
Donny, Ella at Hannah Pangilinan
PAGKALIPAS ng ilang taon ay naka-graduate na sa kolehiyo ang aktor na si Donny Pangilinan at kasabay pa niyang nagtapos ang mga kapatid na sina Ella at Hannah.
Walang binanggit kung ano ang natapos ng magkakapatid pero base sa family picture na ipinost ng mommy ng aktor na si Maricel Laxa kagabi, nakasuot ng mortarboard hat or graduation cap ang tatlo nilang anak ni Anthony Pangilinan.
Ang caption ni Maricel sa kanyang IG post at, “Natapos din! (clapping hands emoji).
“With new beginnings are also ‘closures’. In fact 3 of them as Ella, Donny and Hannah officially graduated from their respective college courses in simple ceremonies in the presence of the Washington State-based School Director of the College for Global Deployment, Dr. Cyndi Romine who is here on a four-day country visit.
View this post on Instagram
“While they finished their courses separately, we were able to schedule the official conferment of bachelors degrees this weekend.
“So yes, nakapagpatapos din kami sa wakasss!
“Shout out din sa lahat ng mga nagsabing naging inspirasyon ‘yung mga anak namin sa kanilang pag-aaral. Ngayon we can say, kayo rin ang naging inspirasyon nila para mag graduate!
“To Him be the glory always!” ang buong nensahe ng aktres.
Habang sinusulat namin ang balitang ito ay umabot na sa mahigit 30,000 ang nag-like sa nasabing post at mahigit 500 messages naman mula sa netizens na binabati ang magkakapatid at ang mag-asawang Anthony at Maricel.
Matatandaang first year college noon si Donny nang magsimula siya sa showbiz taong 2016. Naging VJ sa MYX hanggang sa naging host din for a while sa “ASAP”.
Unang pelikula niya ay ang “Walwal” noong 2018 mula sa Regal Films kung saan naka-loveteam niya si Kisses Delavin. Ito’y idinirek ni Jose Javier Reyes.
Hindi nagtagal ang partnership nina Donny at Kisses dahil taong 2019 ay nabuwag na ito at kaagad siyang itinambal kay Belle Mariano para sa “He’s Into Her” na naging huge success hanggang sa nagkasunud-sunod na ang projects nilang dalawa.
Sa kasalukuyan ay nagsu-shooting ang DonBelle para sa pelikula nilang “An Inconvenient Love” mula sa direksyon ni Petersen Vargas.
https://bandera.inquirer.net/313043/payo-ni-maricel-kay-donny-sana-maka-inspire-kayo-ng-ibang-tao-na-maabot-din-nila-ang-kanilang-mga-pangarap https://bandera.inquirer.net/283477/donny-proud-na-proud-sa-hes-into-her-pero-umaming-nape-pressure-dahil https://bandera.inquirer.net/323317/zoren-umaming-may-kakaibang-nangyari-sa-kanya-sa-taping-ng-apoy-sa-langit-wala-akong-itinago-sa-kanilang-lahat https://bandera.inquirer.net/309151/donny-kay-belle-wala-rin-akong-nakikitang-ibang-gusto-o-makasama-kundi-siya
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.