Donny kay Belle: Wala rin akong nakikitang ibang gusto o makasama kundi siya
TINAWAG na breakthrough loveteam of 2021 sina Donny Pangilinan at Belle Mariano dahil sa magandang feedback ng digital series nilang “He’s Into Her” noong nakaraang taon mula sa iba’t ibang panig ng mundo, record breaker sa iWantTFC, record breaking episodes, most watched weekend program sa Kapamilya online live, at trending sa pagpapakilig worldwide.
Best-selling din ang merchandise, nasa #10 sa Itunes chart ang soundtrack na He’s Into Her at umabot sa 1.2M views saYouTube ang video ng BGYO, 1 million streams sa Spotify ang awiting Sigurado ni Belle at ang concert ng buong cast ng Barkada show ay nakabenta ng 35,000 tickets sa KTX.ph.
Nanalo rin sa Asian Academy Creative Awards national winner for Best Original Programme by a Streamer or OTT, national winner din for Best Direction (Fiction) ang direktor na si Chad Vidanes at national winner for Best Theme song ang BGYO.
Ang mga nasabing achievement ng programa at ng DonBelle loveteam ang dahilan kaya may “He’s Into Her Season 2, The General Assembly”.
Base sa kuwento ay level up na ang relasyon nina Deib at Max, ang karakter na ginagampanan nina Donny at Belle kaya tinanong namin sa ginanap na virtual mediacon kaninang tanghali kung level na rin bas a personal ang samahan nilang dalawa.
“Siyempre nag level up na kami hindi naman puwedeng magkaroon ng relationship na fake kasi if that happens makikita rin ‘yun sa screen and I really feel that with Belle.
“Sobrang naging genuine lang and that’s what I love most about her as well. She’s so genuine and I as well can open up so much to her, I as well can be myself like she said. I as well is very rare for me to put down my walls and with her that’s possible kasi I trust her so much.
“So, in terms of love team, well ako siyempre wala rin akong nakikitang ibang gusto o makasama kundi siya kasi siya ‘yung favorite co-actor ko ever.
“I mean like in terms of everything that we came together, what we done together, she inspires me so much and I feel like ..if there’s anything that happens, we communicate with each other, we support each other, she’s always gonna be my loveteam to me and kung may projects na iba kunyare or my material na iba, siyempre pag-usapan muna namin ‘yun, communication is the key. And we’re just here at the end of the day, we support each other as well,” paliwanag mabuti ni Donny.
At ang tanong namin kay Belle na kung sakaling puwede na siyang magkaroon ng boyfriend ay posible bang si Donny iyon?
Kitang-kita namin sa screen na tila kinikilig si Belle. Paalala ng host ng mediacon na si MJ Felipe ay puwedeng sagutin ng dalaga ang tanong o mag-pass na lang siya.
“Ha, ha, ha, grabe ang tanong. Okay, ang dami naman talagang likeable kay Donny, ang dami mong makikitang kamahal-mahal sa kanya, so ‘yeah!” diretsong sagot ng aktres na ikinatuwa rin ng leading man niya.
Next question namin kay Belle ay okay lang ba o aapela siya kapag may ibang leading lady si Donny sa ibang projects para hindi pagsawaan ang tandem nila.
“Yeah, Donny and I talked about this. It’s really about communication like what he said.
“And when it comes to materials naman that the other one is not part of, we are very supportive of each oof our passion and we’re all here for. I don’t wanna be a hindrance to him also and yeah we talk about it and communicate,” pahayag ng aktres.
Nadulas naman si MJ sa komento niyang, “you know you’re a very smart couple, ay loveteam lang pala, sorry nadulas.”
View this post on Instagram
Anyway, unang mapapanood sa iWantTFC premium users sa labas ng Pilipinas ang “He’s Into Her” Season 2 sa Abril 20 at magiging available naman ito nang libre sa lahat ng iWantTFC users sa Pilipinas at sa Indonesia sa Abril 22.
Kasama sa series ang Benison barkada nina Joao Constancia, Criza Taa, Kaori Oinuma, Vivoree Esclito, Gello Marquez, at Limer Veloso kabilang na rito ang posibilidad ng isang love triangle, ang pagbabalik ng isang naudlot na pagtitinginan, at ang masakit na karanasan dahil sa ‘ghosting’.
Papasok din ang mga bagong karakter na gagampanan nina JC Alcantara, Reich Alim, Zach Castañeda, Shanaia Gomez, River Joseph, CJ Salonga, Rajo Serrano, at Mikha ng P-pop group na BINI. Dapat ding abangan ng fans ang isang espesyal na primer ng serye, na magiging available sa buong mundo nang libre sa Abril 17.
Mula sa direksyon ni Chad V. Vidanes at mula sa panulat ni Vanessa Valdez produced by ABS-CBN Entertainment, Star Cinema, at iWantTFC.
Related Chika:
Donny proud na proud sa ‘He’s Into Her’, pero umaming nape-pressure dahil…
Donny inisa-isa ang mga nagustuhan sa ka-loveteam: Belle and I are in a happy place right now
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.