Regine inalala ang pakikipag-ayos kay Michelle sa Australia: Niyakap niya ako, nag-iyakan kami…walang panunumbat
Leila Alcasid, Michelle van Eimeren, Regine Velasquez at Ogie Alcasid
KINARIR at tinrabaho talaga ng veteran singer-songwriter na si Ogie Alcasid na magkausap at magkaayos sina Regine Velasquez at Michelle van Eimeren.
Ayon sa Asia’s Songbird, naging maayos ang takbo ng kanilang blended family dahil na rin kay Michelle, ang ex-wife ni Ogie.
Dalawang anak ni Ogie kay Michelle, sina Leila at Sarah habang may isang anak naman ang komedyante kay Regine, si Nate. Masaya na rin ngayon si Michelle sa piling ng kanyang asawa na si Mark Murrow sa Australia.
Nabanggit ni Regine sa YouTube vlog ni Celeste Tuviera na in-upload last August 27, na si Michelle ang “ultimate number one factor” sa magandang relasyon ng dalawang pamilya ni Ogie.
“Dalawa sila actually, si Michelle at si Ogie. Silang dalawa talaga. Maraming beses niyang kinausap si Michelle. Then finally, nung feeling niya puwede na akong ipasok, sinama niya ako sa Australia.
“Michelle and I were able to talk. Nag-iyakan. Walang panunumbat whatsoever.
“She accepted whatever it was that happened, and she even said it was not about me, it was between the two of them,” pahayag ng Songbird.
View this post on Instagram
Patuloy pa niya, “Right away, forgiveness was given. Acceptance was given. And so there was friendship and only love.”
Inalala pa ng singer-actress at TV host ang araw nang solo siyang magtungo sa Australia para personal na makipag-usap kay Michelle. Habang nasa eroplano raw siya ay tinatanong niya ang sarili kung tama ba ang gagawin niya.
“Sabi ko, I don’t think I can do this. But as soon as I got there, as soon as I saw her, I cried. She gave me the biggest hug ever. And then made me feel that it’s okay,” kuwento pa ni Regine.
“She made me feel it’s okay. We will be fine. You will be fine. It’s a family now,’” aniya pa.
Sabi pa raw sa kanya ng ex-wifey ni Ogie, “I just want the girls to be a priority and we need to work at this relationship so that they wont feel something is missing.”
“Like I said ang key talaga is si Michelle..She is a very loving person. And she loved me. Mas mahal pa nga niya ako kesa kay Ogie, e. Ngayon, ha?
“So, she was the key. Of course, my husband had to work hard on the relationship. Siyempre siya yung mag-i-instigate, e, but Michelle was very understanding,” lahad ng Songbird.
https://bandera.inquirer.net/308668/regine-naiyak-nang-ikuwento-ang-pagiging-third-party-sa-hiwalayang-ogie-at-michelle-hindi-ko-naman-sinasadya
https://bandera.inquirer.net/322248/ogie-super-proud-kay-regine-flex-ko-lang-ang-asawa-ko-ganyan-siya-kasimple-super-mom-super-wife
https://bandera.inquirer.net/290385/ogie-umamin-kay-regine-nagselos-kina-piolo-at-robin-na-insecure-ang-lolo-mo-tsaka-ang-popogi-e
https://bandera.inquirer.net/288339/angeline-palaging-kasama-ang-namayapang-ina-sa-loob-ng-kanyang-van
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.