Kathryn pinagtripan si Daniel: Ngiting busog…hanggang sa pagtulog, loglog!
Daniel Padilla at Kathryn Bernardo
MALOKO rin palang girlfriend si Kathryn Bernardo dahil kinunan talaga niya ang boyfriend na si Daniel Padilla habang natutulog.
Nakaidlip kasi ang aktor dahil daw sa kabusugan habang nasa loob sila ng van kaya agad itong kinunan ni Kathryn sabay dila sa camera.
Ang caption ng aktres sa ipinost niyang larawan ng nobyo sa kanyang Instagram account, “Ngiting busog.. hanggang sa pagtulog log log.”
Nag-date ang dalawa kamakailan sa isang Japanese restaurant na napapansin naming mahilig sila talagang kumain ng Japanese food.
Anyway, wala pa namang reaksyon si DJ sa panggu-goodtime sa kanya ng kasintahan.
View this post on Instagram
* * *
Sabik na sabik na ang fans nina Donny Pangilinan at Belle Mariano para sa “HIH All Access,” ang finale concert para sa serye nilang “He’s Into Her,” dahil sold out agad ang VVIP at VIP tickets wala pang isang oras nang i-release ito.
Gaganapin ang espesyal na finale concert sa Araneta Coliseum sa Agosto 27, 8 p.m. at ito ang magsisilbing regalo para sa mga manonood sa pagtatapos ng second season ng “He’s Into Her.”
Bukod kina Donny at Belle, magpapakilig din ang kanilang mga co-star na sina Jeremiah Lisbo, Kaori Oinuma, Vivoree Esclito, Joao Constancia, Criza Taa, Turs Daza, Dalia Varde, Ashley del Mundo, Gello Marquez, Limer Veloso, Mikha Lim, JC Alcantara, Shanaia Gomez, Rajo Serrano, Zach Castaneda, River Joseph, CJ Salonga, at Reich Alim.
Dapat ding abangan ang mga pasabog na performances tampok ang ilang surprise guests at up-and-coming stars na makakasama ng “He’s Into Her” cast.
Sa kasalukuyang takbo ng kwento ng “He’s Into Her,” patindi nang patindi ang mga problema sa relasyon nina Deib at Max (Donny at Belle) dahil pinaghihiwalay sila ng kani-kanilang mga pamilya.
Ngunit ayaw sukuan ng dalawa ang kanilang pagmamahalan matapos nilang mangako sa isa’t isa na ipaglalaban nila ito at itatago na lang muna nila ang kanilang relasyon sa iba.
Mas magiging kumplikado pa ang sitwasyon nila dahil nalaman ng pamilya ni Deib na si Max ang nag-leak ng impormasyon kaya nakatakas si Boyet (Janus del Prado), ang prime suspect sa pagbaril sa kuya ni Deib na si Dale (Turs Daza).
https://bandera.inquirer.net/290776/daniel-aminadong-nagkamali-noon-kay-kathryn
https://bandera.inquirer.net/309864/daniel-inialay-kay-kathryn-ang-kantang-last-night-on-earth-ng-green-day-you-are-the-moonlight-of-my-life
https://bandera.inquirer.net/312772/kathryn-daniel-ibinandera-ang-isang-dekadang-relasyon-aamin-na-ba-kung-anong-sikreto
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.