Bwelta ni Angelica sa netizen na affected sa ‘magnanakaw’: Sana maaral mo kung paano maging mabuting tao

PUMALAG ang batikang aktres na si Angelica Panganiban sa isang basher na bumabatikos sa kanya online.

Matatandaang nagpahayag ang aktres na balak na muna niyang magpahinga sa mundo ng showbiz dahil ipinagbubuntis niya ang panganay nilang anak ng kanyang non-showbiz boyfriend na si Gregg Homan.

Sa kabila naman ng pagpapahinga ni Angelica sa showbiz ay ang plano niyang pasukin ang mundo ng pagba-vlog na bagay na bagay naman sa kanyang personality dahil talagang kwela naman ang aktres.

Halo-halo naman ang naging reaksyon ng netizens at mga taga-suporta ng aktres patungkol sa kanyang announcement.

May isang netizen ang tila nalungkot sa pagpapahinga ng aktres sa paggawa ng mga teleserye at pelikula na nireplyan naman ni Angelica.

“Hahahaha. Okay lang yan. Mabuti nga at marami naman akong nagawang projects. Marami kayong pwede balik balikan.

“Balato n’yo na sakin ang buhay ko ngayon. 30 years naman na ko sa inyo!” reply ni Angelica.

mami huhu nasesenti ako sa pagpapahinga mo sa showbiz 😭 to reminisce po, ano po ang favorite role na nakuha niyo?

ako po, fave ko po yung rubi niyo suoer iconic (ako ung sumagot? hahahh)

— Pinoy Pop Kulto (@PinoyPopCult) March 27, 2022

Sa naturang thread na ito ay may isang basher ang sumingit at sinabing tama lang daw na magpahinga na ang aktres.

“Tama yan magpahinga ka na lang at mag alaga ng magiging anak nyo… para malaman mo kung paano maging mabuting tao. Hindi yung puro ka ‘magnanakaw’ ang sinasabi ng bibig mo,” saad ng basher.

Hindi naman ito pinalagpas ni Angelica at pumalag ito sa basher.

“Sana ikaw din maaral mo kung paano maging mabuting tao. Hindi yung affected ka sa salitang magnanakaw,” maanghang na sagot ni Angge.

Sana ikaw din maaral mo kung paano maging mabuting tao. Hindi yung affected ka sa salitang magnanakaw. 😳 https://t.co/fJZZzvbvUT

— Angelica Panganiban (@angelica_114) April 4, 2022

Well, nagmula siguro ang hugot ng basher mula sa trending campaign video ni Angelica in partnership with Young Public Servants.

Ang naturang campaign video ay may dalawang parte kung saan pinaalalahanan ng aktres ang mga Pilipino patungkol sa tamang pagpili ng mga kandidatong dapat iboto sa darating na eleksyon at ipinagdiinan rin niya na huwag nang magpabudol at huwag nang pumili ng magnanakaw.

Related Chika:
Hiling ni Angelica Panganiban sa fans: Balato n’yo na sa ‘kin ang buhay ko ngayon

Angelica halos mabaliw nang malamang buntis: Natatakot ako! Kaya ko ba magpalaki ng bagets?

Angelica Panganiban ayaw nang maniwala sa ‘kembak’: Kapag may history ng pambubudol, never again!