Jak, David sasabak sa battle of the abs; bad boy look ni Tom aprub sa netizens

APRUBADO sa netizens ang ipinasilip na new look ni Kapuso actor Tom Rodriguez para sa upcoming GMA series na “The World Between Us.”

Bukod kay Tom, tampok din sa naturang serye sina Asia’s Multimedia Star Alden Richards at award-winning actress Jasmine Curtis-Smith.

Iikot ang kuwento ng “The World Between Us” sa isang lalaking may prinsipyo na susubukin ang katatagan matapos pagtaksilan ng mga taong itinuring niyang pamilya.

Kinakiligan naman ng netizens at supporters ni Tom ang tila “bad boy” look ng Kapuso actor para sa bago nilang teleserye.

“Ang gwapo! Feeling ko talaga siya ‘yung kontrabida dito. Ang ganda siguro nitong teleserye nila ni Alden Richards. Yehey! magkasama ang 2 kong idol,” reaksyon ng isang fan.

Kasalukuyan nang nasa lock-in taping si Tom at ang iba pang cast ng “The World Between Us” matapos ang naganap nilang script reading.

* * *

Mas titindi pa ang paandaran sa pagitan nina Ace (David Licauco) at Jasper (Jak Roberto) para ma-impress si Heart Fulgencio (Jullie Anne San Jose).

Ngayong gabi, sa isa na namang nakakakilig at nakaka-inspire na episode ang matutunghayan sa “Heartful Café,” kung saan magkakaroon ng “battle of the abs” ang mga Kapuso hunk na sina Jak at David.

Kaya naman ang leading man ni Julie Anne talagang nagtanong sa  “Heartful Café” fans kung sino sa kanila ni Jak ang kanilang pipiliin?

“Ako or si Jak? Ayusin niyo sagot niyo!” pabirong sabi ng Kapuso actor sa kanyang Twitter post.

Kanya-kanyang sagot naman ang mga netizens, may bumoto kay Jak, may pumili kay David pero meron ding nagsabing hindi sila makapili sa pagitan ng dalawang binata.

Ilang fans naman ang talagang umiwas pumili dahil alam nilang girlfriend na ni Jak si Barbie Forteza, na special guest din ngayon sa “Heartful Café” at para lang daw kay Julie Anne si David.

Ang tanong, sino nga kaya kina Ace at Jasper ang pipiliin ni Heart? Yan ang tutukan tonight sa “Heartful Café” sa GMA Telebabad.