Xander Ford ‘suspended’ uli, dapat munang harapin ang demanda ng ex-GF
“XANDER FORD IS SUSPENDED INDEFINITELY.”
Yan ang titulo ng official statement na inilabas ng talent management ng controversial internet sensation.
Ito’y may koneksyon sa mga kasong isinampa umano ng dating girlfriend ni Xander kabilang na ang physical abuse at sexual assault.
Mariin naman itong itinanggi ng vlogger at YouTuber kasabay ng pakiusap sa kanyang ex-dyowa na pag-usapan na lang nila nang maayos kung anuman ang problema.
Ayon sa Star Image Artist Management, pinatawan nila ng “indefinite suspension” ang kanilang talent dahil sa nasabing mga kaso. Maglalabas uli sila ng desisyon tungkol sa career ni Xander kapag naayos na ang personal nitong mga issue.
Nilinaw din ng Star Image na ito’y walang kinalaman sa pag-amin ni Xander na isa siyang bisexual. Narito ang buong pahayag ng management ng binata.
“XANDER FORD IS SUSPENDED INDEFINITELY
“On July 17, 2020, Marlou Arizala a.k.a. Xander Ford publicly announced that he’s a bisexual.
“Star Image Artist Management respects his decision to expose his real sexuality, and as a person, he is entitled to be free.
“But we accept the fact that he is still under judicial trial with the case filed against him by his ex-girlfriend. The management has decided to place Marlou Arizala under INDEFINITE SUSPENSION until he will be cleared without any criminal liability.
“Furthermore, the personal views, opinions, and statements expressed by any of our artists, do not in any way represent the views and opinions of the company and the management.”
Nito nga lang nakaraang mga araw ay lumantad na si Xander bilang bisexual kasabay ng pagpapakilala niya sa kanyang boyfriend na isa ring vlogger at social media influencer.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.