Nagtalaga ng mga armored personnel carrier sa Navotas City sa pagsisimula ng 14 na araw na lockdown sa naturang lungsod.
Sa unang araw ng lockdown, nagsagawa din ng inspeksyon si National Capital Region Police Office (NCRPO) chief Police Major General Debold Sinas.
Ayon kay Sinas layon ng dalawang APC na paalalahanan ang mga residente sa presensya ng pulisya sa lugar.
Una nang sinabi ng PNP na tutulong ang mga tauhan ng Special Action Force sa pagpapatupad ng lockdown sa Navotas.
Ang city-wide total lockdown sa Navotas ay nagsimula alas 5:00 ng umaga ngayong July 16 at tatagal hanggang 11:59 ng gabi ng July 29,2020.
Ang city-wide lockdowjn ay sa inisyatiba ng lokal na pamahalaan.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.