‘Hello, Love, Again’ part 3 posible pa rin: Hangga’t buhay sina Joy at Ethan!
KUNG ang blockbuster director na si Cathy Garcia-Sampana ang tatanungin, posible pang magkaroon ng part 3 ang “Hello, Love, Goodbye” at “Hello, Love, Again.”
Ito’y sa kabila ng ginawang pamamaalam nina Alden Richards at Kathryn Bernardo sa kanilang mga iconic characters sa dalawang record-breaking movie bilang sina Ethan at Joy.
Ngunit maaari pang maipagpatuloy ang love story ng dalawang bida sa pelikula dahil sabi nga ni Direk Cathy, hangga’t buhay sina Ethan at Joy ay pwedeng-pwede pang gawan ng istorya ang kanilang pagmamahalan.
Sey ng blockbuster director sa panayam ng “On Cue”, “In real life, tayo, we don’t stop growing. We don’t stop encountering new problems and things that will put your character to the test.”
“Kahit sabihin mong natuto na tayo, mayro’n talagang darating na itsa-challenge ulit ‘yung natutunan mo.
“And therefore, we don’t stop growing and reaching ‘yong the best of us. We continue to become better,” pagbabahagi pa ni Direk Cathy.
View this post on Instagram
Ipinagdiinan pa niyang, ”I know that there’s no story that you put an end to. Parang feeling ko, these characters grow. And they will have new problems.
“So, sabi ko puwede pa hangga’t buhay sina Joy at Ethan you can always make stories from them,” ani Direk.
Ang “isyu” lang aniya sa posibleng sequel ng pelikula nina Kath at Alden – naloloka na raw ang mga scriptwriter ng Star Cinema dahil sa nararamdamang pressure sa success ng dalawang naunang pelikula.
Sa isang panayam, nagpaalam na nga sina Joy at Ethan mula sa itinuturing na ngayong top-grossing Filipino Movie of All Time.
Feeling thankful and grateful sina Kathryn at Alden sa mega success na tinatamasa hanggang ngayon ng kanilang pelikula.
“To everyone who joined us in this journey, know na hindi namin makakalimutan ang experience na ito as much as you guys are to it also,” sey ni Alden sa panayam ng “24 Oras Weekend”.
Ayon naman kay Kathryn, abot-langit ang pasasalamat ng buong production sa lahat ng sumuporta at nanood sa “Hello, Love, Goodbye” at sa sequel nitong “Hello, Love, Again”.
“Hindi namin ito magawa nang wala ‘yung suporta na iyon and that support motivated us and kept us going,” ayon kay Kathryn.
At sabay na pamamaalam ng KathDen kina Joy at Ethan sa sambayanang Filipino, “This is Joy, and this is Ethan, signing off!”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.