‘Romantic Doctor, Teacher Kim 2’ inaabangan na ng fans
KOREAN word of the week: “Mashita” – nangangahulugan ito sa Ingles ng “it’s delicious.” Sa atin naman ay “masarap.”
q q q
Ngayong December na mapapanood ang second season ng hit medical Korean drama na Romantic Doctor, Teacher Kim.
Nauna itong ipinalabas noong 2016 na pumatok sa viewers na nakakuha ito ng 26.7% viewers percentage.
Umikot ang kuwento ng season 1 sa buhay ni Dr. Kim, isang kilalang surgeon na umalis sa isang kilalang medical facility at lumipat sa maliit na hospital.
Dito niya nakilala ang dalawang passionate at batang doktor na sina Kang Dong Joo at Yoon Seo Jung.
Bibida sa season 2 sina Ahn Hyo Seop, Lee Sung Kyung at Jeon So Nee. Bumida si Yeo Seop sa Korean series na Thirty But Seventeen (2018), Top Management (2018) at Abyss (2019).
Nakilala naman si Sung Kyung sa kanyang mga hit drama na Doctors (2016) at Weightlifting Fairy Kim Bok Joo (2016).
Habang si Jeon So Nee ay bumida sa Write or Dance (2017) at After My Death (2018). – Joshua Jazz Lapitan
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.