Heart iniyakan ang unang action movie: Ano ba itong pinasok ko?

INIYAKAN ni Heart Evangelista ang hirap at sakripis-yong ginawa niya para sa pagbibidahang international action film na kinunan pa sa China.

Nakachikahan ng ilang members ng entertainment media si Heart sa presscon ng bago niyang endorsement, ang Thiocell, ang first and only premium oral glutathione supplement (in lozenge form), at dito nga niya naikuwento ang tungkol sa kanyang first action movie.

Ayon sa Kapuso actress at StarStruck Council member, wala siyang ka-double sa mga ginawa niyang action scenes.

“Only kapag kunwari may basagan, ng totoong bubog ganyan, but they really wanted you to do it, so sugatan ako, iniiyakan ko nga e, sabi ko nga ‘ano ba itong pinasok ko?’ But you know, when I saw the scenes, it’s really rewarding,” unang pahayag ni Heart.

Dagdag pa ng misis ni Chiz Escudero, kakaibang experience ang baon-baon niya pagbalik ng Pilipinas after doing her first international action movie.

“Yes sobrang iba, pagod ka pero sakto ‘yung pagod mo kasi doon parang you only work for about 10 hours so kumbaga, ‘yun lang ‘yung gagawin mo. So kung talagang mabigat ang eksena pagod ka pero ‘yung hindi mo na kaya,” chika ni Heart.

Ano naman ang reaksyon ni Chiz sa pagiging action star niya, “He’s so proud of me, kasi out of character ‘yung ginawa ko and siya din ‘yung iniiyakan ko ‘pag nahihirapan ako, kasi na homesick din ako. It’s just hotel, studio, hotel studio and no time to do anything else.”

At hindi pa tapos ang challenge para kay Heart dahil may part 2 agad ang pelikula, “The next movie is actually the book two of that movie, kaya nga e sabi ko ‘shocks ‘may book 2 na, hirap na hirap ako’ but I’m happy.”

Sa last quarter ng 2019 daw ang showing ng movie pero una muna itong mapapanood sa Hong Kong at Los Angeles, USA.