Heart, Rachel, Sofronio, Christian kinilalang Top 100 Most Influential Filipinos
Heart Evangelista, Rachel Alejandro, Sofronio Vasquez, Christian Bautista
IBINANDERA na ang listahan ng 100 Most Influential Filipinos in the world!
At ilan lamang sa mga bigating celebrities na naka-secure diyan ay ang fashion icon na si Heart Evangelista at ang batikang aktres na si Rachel Alejandro.
Ang nakakatuwang balita ay ibinahagi ng The Outstanding Filipinos in America (TOFA) sa isang Facebook post kamakailan lang.
Ayon sa kanila, walang pagkakasunod ang mga nasa listahan dahil nais lang nilang kilalanin ‘yung mga indibidwal na may “unique contributions” at “outstanding impact.”
Baka Bet Mo: Rachel Alejandro sa ‘utang na loob’ culture ng Pinoy: I think of it as love
Ang mga bumubuo sa nasabing recognition ay mga industry leaders, artists, at advocates na may impluwensya sa kanilang crafts hindi lang sa ating bansa, kundi sa buong mundo.
Kagaya ni Heart na may malaking impact sa prestihyosong Fashion Week events na ginaganap sa Paris, Milan, at New York.
Alam naman natin na kadalasan ay lagi siyang napupunta sa top celebrity ranking at may malaking kontribusyon sa media impact value (MIV).
Si Alejandro naman ay kinilala dahil sa kanyang trabaho sa music, film, at theater.
Recently lamang, siya ang itinanghal na Best Supporting Actress sa Manila International Film Festival (MIFF) dahil sa mahusay niyang performance sa “Song of Fireflies.”
Sa pamamagitan ng Instagram, lubos niyang pinasalamatan ang TOFA, at nagpaabot din ng congratulatory message para sa fellow awardees.
View this post on Instagram
Bukod sa dalawang artista, kasama rin sa Top 100 Most Influential Filipinos sina “The Voice USA” Season 26 grand champion Sofronio Vasquez, singer Christian Bautista, Filipino prelate Luis Antonio G. Cardinal Tagle, at “X-Factor UK” alum Seann Miley Moore.
Nasa listahan din sina Tony award-winning designer Clint Ramos, motorsport star Bianca Bustamante, Emmy award-winning filmmaker Michele Josue, Los Angeles-based chef Lord Maynard Llera, content creator Abigail Marquez, at marami pang iba.
Ang 15th Annual TOFA Awards ay gaganapin sa October 18 sa Las Vegas at inaasahang dadalo ang awardees upang personal na tanggapin ang kanilang awards.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.