Sofronio may bonggang performance kasama sina David Foster, Katharine McPhee
PHOTO: Instagram/@sofrobiovasquez
IBANG-IBA na talaga si Sofronio Vasquez matapos maging champion sa “The Voice USA!”
Kamakailan lang, todo flex ang Pinoy singer sa latest collaboration niya with international and world-class performers na sina David Foster at Katharine McPhee.
Sa Instagram, aminado si Sofronio na feeling blessed siya at sabay na ibinandera ang picture niya kasama ang couple.
Lubos din siyang nagpasalamat sa dating “The Voice USA” coach na si Michael Bublé dahil ito ang tumulong sa kanya na makamit ang pangarap na ito.
Baka Bet Mo: Sofronio Vasquez pinili si Elijah Canlas para sa life story, bagay ba?
“Blessed to be working for the first time with the [@davidfoster] and the ever beautiful [@katharinefoster]. Thank you [@michaelbuble] for always doing extra things just to rally my dreams in Music [red heart emoji],” caption ng Pinoy singing sensation.
View this post on Instagram
Sa isa pang IG post, ibinida ng kampeon ang masayang bonding nilang tatlo nang dumalo sila sa gala event na Gateway for Cancer Research Vino con Stelle.
Makikita ang ilang selfies nila, lalo na’t magkatabi sila sa isang VIP table.
Bukod diyan, may video pa na nagsasayaw sila habang pinapatugtog ang kantang “Y.M.C.A.” ng Village People.
View this post on Instagram
Sa pamamagitan naman ng Facebook, proud na ibinahagi ni Sofronio ang kanyang “Impossible Dream” performance kasama si David sa nasabing event.
Saad pa niya sa post, “I was privileged to perform ‘Impossible Dream’ alongside the phenomenal David Foster at Vino Con Stelle, Fairmont Scottsdale Princess Arizona, and it was genuinely life-changing.”
Itinanghal din ng Pinoy singer ang “The Power of Love” kasama ang Grammy-award winning composer, pati si Katharine.
Wika niya, “Such an amazing moment for me, to all who are gathered for a very beautiful cause. Congratulations Everyone.”
Wala nang idinetalye si Sofronio kung magkakaroon pa sila ng music project, bukod pa sa nasabing charity event.
Sa comment section, ramdam na very proud ang ilang batikang singer sa recent milestone ni Sofronio.
“Now you know you have made it my friend!” komento ni Martin Nievera.
Lahad naman ni Jaya, “Man, I am excited for you and your journey… [red heart emoji] You did it!!!”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.