Jackpot ng Grand Lotto posibleng umabot na ng P144M bukas
POSIBLENG umabot sa P144 milyon ang jackpot prize ng Grand Lotto 6/55 sa bola bukas ng gabi (Lunes).
Ayon sa Philippine Charity Sweepstakes Office walang tumama sa P139.5 milyong jackpot prize sa bola noong Sabado kung saan lumabas ang winning number combination na 22-35-16-10-03-32.
Nanalo naman ng tig-P64,910 ang 17 mananaya na nakakuha ng limang numero. Tig-P1,220 naman ang 719 mananaya na nakaapat na numero at balik ang P24 taya ng 16,325 mananaya na nakatatlong numero.
Ang premyo na mas mataas sa P10,000 ay pinapatawan ng 20 porsyentong buwis alinsunod sa Tax Reform for Acceleration and Inclusion.
Wala pang tumatama sa jackpot prize ng Grand Lotto mula noong Enero 23.
Huli itong tinamaan noong Enero 21. Isang mananaya ang nanalo ng P239.2 milyong jackpot prize.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.