NALASON ang 31 farm workers sa Rizal, Nueva Ecija matapos kumain ng halo-halo kahapon.
Base sa ulat, nag-meryenda ng halo-halo ang mga biktima, na nag-aalis ng damo sa isang taniman ng sibuyas sa Barangay Estrella na inihanda ng may-ari na si Lina Guting, ganap na alas-10:30 ng umaga, ayon kay said Chief Insp. Manuel Catacutan, town police chief.
Nakaramdam ang mga biktima ng pagkahilo at pagsusuka makalipas ang isang oras at dinala sa Rural Health Unit (RHU) ng bayan.
Inilipat sila sa Paulino J. Garcia Memorial Research and Medical Center (PJGMRMC) para magamot, bagamat nakalabas na rin.
Idinagdag ni Catacutan na hindi naman magsasampa ng kaso ang mga magsasaka laban kay Guting, na naospital din, kasama ng kanyang pamilya.
Pinasuri na ang sahog ng halo-halo sa Nueva Ecija police crime laboratory office sa Cabanatuan City.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.