Deadly kandila sa araw ng patay

Patuloy ang pagdating sa bansa ng mga imported na kandila na nagtataglay ng nakamamatay na kemikal.
t marami umano ang posibleng gumamit nito sa darating na Undas kaya nanawagan ang environmental group na EcoWaste sa Department of Health upang mapigilan ito. Ayon kay Thony Dizon ang mga imported na Chinese candles ay ginagamitan ng lead sa mitsa.
Kaya kung masusunog ang mitsa ay humahalo sa usok ang lead na maaaring masingkot at magdulot ng panganib sa kalusugan. Ang lead ay nakasisira ng utak lalo na sa mga bata at sanggol sa sinapupunan.
Kalimitan sa mga kandila na gawa sa bansa ay mayroong mitsa na gawa sa cotton. Nagsagawa ng test buy ang EcoWaste at lumabas na ang mga nabili nilang Chinese candle ay nagtataglay ng 17,300 hanggang 100,000 parts per million ng lead. Ang mga kandila na mayroong lead core wicks ay ipinagbawal sa Australia noong 1999, sa Finland noong 2001, sa Denmark noong 2002 at Amerika noong 2003.
Umaasa ang EcoWaste na diringgin ni Health Sec. Janet Garin ang kanilang panawagan na alisin sa merkado ang mga kandilang ito. Ang DoH ang nakasasaklaw sa mga produktong kandila.