Ellen Adarna ninerbyos sa 3 sexy scene nila ni Dennis

ELLEN ADARNA

Medyo nanibago kami sa director na si Chris Martinez dahil first time namin siya nakita sa presscon ng latest fillm niya na hindi siya ang sumulat, ang “You’re Still The One” starring Dennis Trillo, Maja Salvador, Ellen Adarna at Richard Yap.

Usually kasi ‘yung mga kwento/script niya mismo ang kanyang dinidirek. Or ‘yung sinulat niya ang ididirek ng iba, “Noong pumasok ako sa project gawa na ‘yung script, e. So, I always welcome ‘yung ganoon na iba naman ‘yung challenge to bring life to someone’s work. So, iba naman ‘yung sumulat, iba rin ‘yung role ko as director.

“So, parang, actually, medyo mas mahirap siya kasi iba ‘yung sumulat, e, ‘di ba? Pero na-challenge ako kasi and I’m very grateful to Regal Films and Star Cinema for giving me the chance to do something different. ‘Yung idea na gagawa ako ng hindi comedy, medyo seryoso, I went on that. Actually, love story siya. It’s my first time, talagang todong love story, so, sobra akong thankful sa chance na ‘yon,” paliwanag ni Direk Chris sa presscon ng “You’re Still The One.”

Hindi naman daw siya nanghingi ng sobra sa kanyang mga artista to portray their respective roles. Yung totoong emosyon lang daw ang hiningi niya.

“Hinihingi ko sa kanila kung ano lang dapat ang maramdaman, ‘yung ganoon. Hindi ako humihingi ng luha. Kung ano lang ‘yung lumabas sa kanila kasi, yun nga kasi hindi siya rom-com, so, dapat ‘yung timpla tama lang. Dapat believable ‘yung characters, credible. Dapat nakaka-relate ‘yung mga tao without being too melo-dramatic, na hindi siya sobrang, ‘uhh, uhh,’ iyak-iyakan na ganoon?”

Second time nakatrabaho ni Direk Chris si Maja sa “You’re Still The One.” But in this film, may bed scene na si Maja with Dennis, “Nakayanan ko naman po,” ngiti ni Maja. “Huminga lang ako ng malalim, inisip ko po talaga ako si Elise lalung-lalo na kay Papa Chen (Richard). Ha-hahaha! So, abangan ninyo na lang po kasi lumaban ako kay Ellen Adarna. Ha-hahaha!”

Speaking of Ellen, tinanong si Direk Chris kung gaano ka-daring si Ellen sa movie, “Daring siya pero I think ninerbyos din siya doon sa mga eksena niya. Tatlong love scene with Dennis na iba-iba! Meron sa shower, basta iba-ibang ganap,” nangingising sabi ni Direk Chris.

Ipapalabas ang “You’re Still The One” sa May 27 sa mga sinehan nationwide.