Pia sa taong 2024 bilang ‘self-managed’ artist: ‘My most successful year yet!’

PHOTO: Instagram/@piawurtzbach

SA pagtatapos ng taong 2024, todo ang pasasalamat ni Miss Universe 2015 Pia Wurtzbach dahil sa mga nakamit niyang tagumpay, lalo na pagdating sa kanyang karera.

Ibinunyag pa nga ng beauty queen na mahigit isang taon na siyang self-managed artist na inilarawan niyang “truly rewarding.”

Sa Instagram, makikita ang isang art card na may picture ni Pia at inihayag na ang 2024 ang “most successful year” niya so far.

Kalakip din sa post ang manifestation niya for this year na ang sabi ay, “2025 is going to be an amazing year!”

Baka Bet Mo: Pia mas malaki ang ‘kinita’ sa Paris kesa kay Heart, bardagulan pa more

Sey ni Pia sa post, “I am excited to share that I have been a self-managed artist for over a year now and 2024 was my most successful year yet!”

“Thank you to all of the friends, partners and brands that have made this possible,” dagdag niya.

 

View this post on Instagram

 

A post shared by Pia Jauncey (@piawurtzbach)

May pahabol rin ang Miss Universe 2015 sa comment section na kung saan nagkaroon siya ng paglilinaw pagdating sa mga oportunidad na natatanggap niya mula sa ilang talent agencies.

“There are many agents around the world that bring me opportunities. But I manage my career,” sey ni Pia.

Paglilinaw niya, “There is no middle man, they communicate directly to me.”

“I decide which deals I do, which events I go to and which opportunities to take. Managing myself has been a truly rewarding part of my career,” wika pa niya.

Sa hiwalay na IG post, naunang ibinandera ni Pia ang ilang compilation photos ng mga naging ganap niya sa 2024, kabilang na ang ilang trips niya sa iba’t-ibang bansa, events at masasayang moments kasama ang mga mahal sa buhay.

Ipinakita niya rin ang naging selebrasyon niya nitong Bagong Taon with her hubby na si Jeremy Jauncey na ginanap sa isang resort sa Maldives.