Mga Laro sa Miyerkules
(Araneta Coliseum)
7 p.m. San Miguel Beer vs Alaska Milk
(Game 1, best-of-seven finals)
SINIGURO ng Alaska Milk na hindi na mauulit ang masakit na kabiguang nalasap sa kamay ng Rain or Shine matapos patalsikin ng Aces ang Elasto Painters, 79-76, sa Game Six ng 2014-15 PBA Philippine Cup best-of-seven semifinals series kahapon sa SM Mall of Asia Arena sa Pasay City.
Bunga ng panalo, tinapos ng Aces ang kanilang semifinals series kontra Elasto Painters, 4-2, para makausad sa kanilang ika-27 Finals appearance.
Makakatapat ng Alaska ang San Miguel Beermen na maagang pumasok sa all-Filipino conference finals matapos walisin ang kanilang semis series laban sa Talk ‘N Text Tropang Texters, 4-0.
Si Dondon Hontiveros, na napiling Best Player of the Game, ang namuno para sa Aces matapos gumawa ng 17 puntos kabilang ang mahalagang 3-pointers sa krusyal na bahagi ng ikaapat na yugto para tulungan ang Alaska na maitakas ang panalo.
Si Calvin Abueva ay nag-ambag ng 15 puntos at siyam na rebounds habang si Sonny Thoss ay may 11 puntos para sa tropa ni Alaska coach Alex Compton.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.